Jackson Wang ប្រាប់ហេតុផលមួយ ធ្វើឱ្យលោកឧស្សាហ៍ឡើងចុះប្រទេសថៃ
Jackson Wang អតីតសមាជិកក្រុម Got-7 គឺជាតារាចម្រៀង K-pop មួយរូបដែលមានសញ្ជាតិចិន តែបានក្លាយជាតារាចម្រៀងរ៉េបមួយរូបនៅក្នុងប្រទេសកូរ៉េខាងត្បូង ហើយក៏ទទួលបានការគាំទ្រយ៉ាងខ្លាំងផងដែរ។
សម្រាប់ Jackson Wang គេតែងឃើញរូបលោកទទួលបានឱកាសការងារនៅក្នុងប្រទេសថៃជារឿយៗ ក្នុងនោះផងដែរកាលពីថ្ងៃទី ២១ ខែធ្នូ ឆ្នាំ ២០២៣ កន្លលទៅ តារាចម្រៀងរ៉េបរូបនេះបានក្លាយខ្លួនទៅជាគណៈកម្មការនៅក្នុងកម្មវីធីប្រឡងមួយនៅក្នុប្រទេសថៃ។ ជាមួយគ្នានោះ Jackson Wang ក៏បានផ្ដល់បទសម្ភាសជាមួយសារព័ត៌មានរបស់ថៃពី Concert របស់ខ្លួន អ្វីដែលពិសេសនោះ គឺការមកកាន់ប្រទេសថៃជារឿយៗរបស់លោកផងដែរ។
ក្នុងនោះ Jackson បាននិយាយឱ្យដឹងថា ៖ «សម្រាប់ខ្ញុំ ប្រទេសថៃដូចជាផ្ទះទីពីររបស់ខ្ញុំដែរ»។ មិនតែប៉ុណ្ណេះ លោកក៏បានបន្តនិយាយទៀតថា ៖ «បើនិយាយពីរឿងផ្ទះរស់នៅវិញ គឺខ្ញុំមិនទាន់មានផ្ទះច្បាស់លាស់នោះទេ តែក៏មានគម្រោងគិតថាចង់ទិញផ្ទះនៅហុងកុង ឬ នៅប្រទេសថៃនេះដែរ»៕
