មិត្តភាពមិនប្រែ! ទោះសាងគ្រួសារមានកូន ទឹម រដ្ឋា នៅតែរាប់អាន អេឡិច ចាន់ត្រា ស្និទ្ធខ្លាំង ឥលូវចេញថតម៉ូដជាមួយគ្នាឡើងស្វីត

តារាសម្ដែងប្រុសសាច់សខ្ចីលោក អេឡិច ចាន់ត្រា និង តារាសម្ដែងស្រីជើងស្រឡូនខ្ពស់ស្រឡះ ទឹម រដ្ឋា មហាជនប្រាកដជាបានស្គាល់ច្បាស់ហើយពីអ្នកទាំងពីរ ដែលជាតារាសម្ដែងប្រុសស្រីដ៏មានប្រជាប្រិយភាព មិនត្រឹមតែមានទេពកោសល្យជាច្រើនក្នុងវិស័យសិល្បៈទេ ថែមទាំងមានរូបសម្រស់ដ៏ស្រស់ស្អាតសង្ហា ជាទីចំណាប់អារម្មណ៍របស់មហាជនអ្នកគាំទ្រ។

លើសពីនេះ បើនិយាយពីទំនាក់ទំនងរបស់តារាប្រុសស្រីមួយគូនេះ មិនត្រឹមតែជាដៃគូរួមការងារផ្សេងៗក្នុងវិស័យសិល្បៈជាមួយគ្នានោះទេ ថែមទាំងជាមិត្តភក្តិល្អស្គាល់គ្នា និង រាប់អានជាយូរឆ្នាំមកហើយ ដែលតែងបង្ហាញសកម្មភាពថ្មីៗជាមួយគ្នាលើបណ្ដាញសង្គម។

ដោយឡែក ក្រោយពីអាកខានឃើញសកម្មភាពរបស់តារាប្រុសស្រីមួយគូនេះ មួយរយៈ ខណៈអ្នកនាង ទឹម រដ្ឋា មមាញឹកនឹងជីវិតឯកជនសាងគ្រួសារមើលថែកូននោះ ថ្មីៗនេះ ក៏បានឃើញអ្នកទាំងពីរ​បានបង្ហាញសកម្មភាពជាមួយគ្នាជាថ្មី ដែលឃើញថានៅតែរាប់អានគ្នាស្និទ្ធដដែល និង ថតបង្ហាញម៉ូតស្ទីលថ្មីៗដ៏ទាក់ទាញប​ង្ហោះលើបណ្ដាញសង្គមជាមួយគ្នាផងដែរ៕