(វីដេអូ) ទឹកចិត្តល្អ! ម៉ៃ សុគន្ធ មកស្រោចទឹកកាត់គ្រោះ នៅឆ្លៀតសុំឱ្យជម្រើសជាតិកម្ពុជាទាំងអស់ទទួលជោគជ័យ ឈ្នះមេដាយមាសទៀត
មហាជនអ្នកប្រើប្រាស់បណ្ដាញសង្គមបានជ្រាបហើយពីតារាហ្វេសប៊ុកលោក ម៉ៃ សុគន្ធ ដែលមួយរយៈចុងក្រោយនេះ លោកតែងធ្វើឱ្យមហាជនផ្ទុះចាប់អារម្មណ៍ និង បញ្ចេញវៃកញែករិះគន់ខ្លាំងជុំវិញការបញ្ចេញមតិរបស់លោកពីរឿងរ៉ាវផ្សេងៗជុំវិញការប្រកួតមួយចំនួនក្នុងស៊ីហ្គេម ជាពិសេសទៀតនោះថ្មីៗនេះ លោកក៏ទើបតែមានរឿងដ៏ក្ដៅគគុកកក្រើកហ្វេសប៊ុកជាមួយនឹងអ្នកសិល្បៈម្នាក់ថែមទៀត។
ដោយឡែក ក្រោយផ្ទុះរឿងរ៉ាវផ្ទួនដោយសារតែការបញ្ចេញមតិរបស់ខ្លួនបន្តបន្ទាប់នោះ នៅថ្ងៃទី ១២ ខែឧសភា ឆ្នាំ ២០២៣ កន្លងទៅនេះ មហាជនក៏បានចាប់អារម្មណ៍ឃើញលោក ម៉ៃ សុគន្ធ បង្ហាញពីសកម្មភាពទៅវត្តស្រោចទឹកយកសិរីសួស្ដីក្នុងថ្ងៃសីល។
ក្នុងនោះ លោក ម៉ៃ សុគន្ធ ក៏បានរៀបរាប់ភ្ជាប់ជាមួយរូបភាព និង វីដេអូថា ៖ «ថ្ងៃនេះ ថ្ងៃសីល ៨ រោច មកស្រោចទឹក សូមជម្រើសជាតិកម្ពុជាទាំងអស់ទទួលជោគជ័យ មេដាយមាសច្រើនៗ កីឡារស់ក្នុងសន្តិភាព»។
ខណៈឃើញបែបនេះ ក្រឡេកទៅមើលមហាជនអ្នកលេងបណ្ដាញសង្គមវិញក៏បានចូលចែករំលែក និង បញ្ចេញមតិនិយាយទៅកាន់លោក ម៉ៃ សុគន្ធ រៀងៗខ្លួនផងដែរ៕
