ទុកបេះដូងទំនេរអស់ ៣ ឆ្នាំ ទីបំផុត Ton រកបានសង្សារថ្មីហើយ ឯសម្រស់ស្អាតខ្លាំងមិនចាញ់តារា

សម្រាប់ Ton អតីតគូស្នេហ៍តារាស្រី Taew Natapohn បើទោះបីជាបានផ្តាច់និស្ស័យជាមួយគូស្នេហ៍តារាហើយក៏ដោយ តែអ្នកកំលោះរូបនេះនៅតែជាទទួលបានការស្រឡាញ់ និង គាំទ្រពីសំណាក់មហាជនដដែល ពិសេសម្នាក់ៗថែមទាំងចង់ឃើញអ្នកកំលោះរូបនេះមានអ្នកស្អំបេះដូងឆាប់ៗថែមទៀតផង។

យ៉ាងណាមិញ បើគិតតាំងពីប្រេះឆាស្នេហ៍ចាស់មកទល់ពេលនេះអស់រយៈពេល ៣ ឆ្នាំទៅហើយ ដែលអ្នកកំលោះរូបនេះចំហបេះដូងទុកចោល ដោយមិនទទួលនារីរូបណាចូលមករួមដំណើរជីវិតជាមួយ។

ទោះជាយ៉ាងណា បើទោះបីជាកន្លងមកសុខចិត្តទុកបេះដូងឱ្យនៅទំនេរក៏ដោយ តែទីបំផុតស្នេហ៍ពិតនៅតែមានសម្រាប់អ្នកកំលោះសង្ហារូបនេះ ពោលគឺថ្មីៗនេះ Ton ព្រមបើចំហមុខគូស្នេហ៍ឱ្យអ្នកគាំទ្របានឃើញហើយ ថែមទាំងដឹកដៃគ្នាទៅកម្សាន្តនៅក្រៅប្រទេសយ៉ាងផ្អែមល្ហែមទៀតផង។ មួយវិញទៀត បើគន់ទៅមើលពីសម្រស់នារីរូបស្រស់ Zen Mechaka ដែលជាគូស្នេហ៍ថ្មី Ton វិញ ឃើញថា សម្រស់ស្រស់ស្អាតខ្លាំង សមគ្នាជាមួយអ្នកកំលោះរូបនេះតែម្តង៕