វឌ្ឍនៈ ប្រ៊ូវើរី និងក្រុមហ៊ុនបុត្រសម្ព័ន្ធរបស់ វឌ្ឍនៈ គ្រុប ប្រារព្ធពិធីទូងស្គរអបអរសាទរការបើកការដ្ឋានព្រែកជីកហ្វូណនតេជោ
ក្រុមហ៊ុនបុត្រសម្ព័ន្ធរបស់ វឌ្ឍនៈ គ្រុប រួមមានក្រុមហ៊ុន វឌ្ឍនៈ ប្រ៊ូវើរី វឌ្ឍនៈ ប៊្របភើធី វឌ្ឍនៈ អ៊ីនវេសមិន ធនាគារ វឌ្ឍនៈ វឌ្ឍនៈ កាពីតាល វឌ្ឍនៈ ហ្គោលរីស៊ត សណ្ឋាគាររ៉ូសវូដ ភ្នំពេញ សណ្ឋាគារ ខេ វី អិល ដឹកនាំដោយអ្នកឧកញ៉ា សំអាង និង អ្នកឧកញ៉ា ឈុន លាង សហស្ថា បនិកក្រុមហ៊ុន វឌ្ឍនៈ គ្រុប អ្នកឧកញ៉ា សំអាង វឌ្ឍនៈ អគ្គនាយកក្រុមហ៊ុន វឌ្ឍនៈ ប្រ៊ូវើរី ព្រមទាំងបុគ្គលិកគ្រប់ជាន់ថ្នាក់ សិល្បករ សិល្បការិនី កីឡាករគុនខ្មែរ ដើម្បីចូលរួមប្រារព្ធពិធីទូងស្គរ អបអរសាទរការបើកការដ្ឋានព្រែកជីកហ្វូណនតេជោ កាលពីព្រឹកថ្ងៃទី ៥ សីហា នៅពីមុខអគារពាណិជ្ជកម្មដ៏ស្កឹមស្កៃ វឌ្ឍនៈ កាពីតាល។
ក្នុងនាមជាក្រុមហ៊ុនរបស់ខ្មែរ មានម្ចាស់ភាគហ៊ុន ជាជនជាតិខ្មែរ វឌ្ឍនៈ គ្រុប ពិតជាមានមោទនភាពចំពោះដំណើរបោះជំហានជាប្រវត្តិសាស្រ្តនៃការចាប់ផ្តើមគម្រោងព្រែកជីកហ្វូណនតេជោដ៏អស្ចារ្យនេះ ដែលជាគំនិតផ្តួចផ្តើមរបស់សម្តេចតេជោ ហ៊ុន សែន អតីតនាយករដ្ឋមន្ត្រីនៃ ព្រះរាជាណាចក្រកម្ពុជា។
ក្រោមការដឹកនាំបន្តដ៏ឈ្លាសវៃរបស់សម្តេចធិបតី ហ៊ុន ម៉ាណែត វឌ្ឍនៈ គ្រុប ជឿជាក់យ៉ាងមុតមាំថា ដំណើរការនៃការសាងសង់ព្រែកជីកហ្វូណនតេជោ ដែលមានប្រវែង ១៨០ គីឡូម៉ែត្រ កាត់ខេត្តកណ្តាល តាកែវ កំពត និង កែប នឹងបញ្ចប់ទៅដោយជោគជ័យ ហើយនឹងនាំមកនូវឧត្តមភាពផ្នែកសេដ្ឋកិច្ចដ៏ធំធេងដល់កម្ពុជា។ សូមប្រជាពលរដ្ឋខ្មែរចូលរួមអបអរសាទរសមិទ្ធផលដ៏អស្ចារ្យនេះទាំងអស់គ្នា!