ផ្អើលអ្នកសិល្បៈ! វង្ស ថាណាន់ តារាចម្រៀងផលិតកម្ម ហ្គាឡាក់ស៊ី ណាវ៉ាត់ត្រា ជួបគ្រោះថ្នាក់

នៅព្រឹកថ្ងៃទី ២២ ខែឧសភា ឆ្នាំ ២០២៣ នេះ មហាជនអ្នកគាំទ្រ និង មិត្តភក្តិរបស់តារាចម្រៀងប្រចាំផលិតកម្មហ្គាឡាក់ស៊ី ណាវ៉ាត់ត្រា​ លោក វង្ស ថាណាន់ ហាក់ស្លុតចិត្តយ៉ាងខ្លាំង ក្រោយទទួលដំណឹងលោកជួបគ្រោះថ្នាក់ចរាចរណ៍ពេលកំពុងធ្វើដំណើរទៅច្រៀងនៅខេត្ត។

ក្នុងនោះ មហាជន និង មិត្តភក្តិទាំងក្នុង-ក្រៅសិល្បៈជាច្រើន បានសម្តែងការព្រួយបារម្ភដល់លោក វង្ស ថាណាន់ និង ជូនពរដល់លោកឱ្យឆាប់ជាសះស្បើយផងដែរ។

យ៉ាងណាមិញ ក្រោយជួបគ្រោះថ្នាក់ចរាចរណ៍ហើយ លោក វង្ស ថាណាន់ ក៏បានបង្ហោះសារនៅលើគណនីហ្វេសប៊ុករបស់លោក និង បានខមមិនប្រាប់មហាជនពីស្ថានភាពរបស់លោក ដោយក្នុងនោះលោកបានបង្ហើបពីអាការថា លោកបានបាក់ជើង៕