(វីដេអូ) ឈានឡើងមួយក្រឹតទៀតហើយ! អ៊ឹងហាវ លេចមុខជាតារាចម្រៀងលើឆាកនៅម៉ាឡេស៊ីជាលើកដំបូង

ជាការពិតណាស់ រយៈពេលត្រឹមប្រមាណជា ៣-៤ ឆ្នាំ ក្នុងវិស័យសិល្បៈ អ៊ឹងហាវ ត្រូវបានមហាជនកត់សម្គាល់ពីកេរ្តិ៍ឈ្មោះរបស់លោកពិតជាមិនធម្មតា ដោយមិនត្រឹមតែមានប្រជាប្រិយភាពក្នុងប្រទេសកម្ពុជានោះឡើយ តែលោកមានភាពល្បីល្បាញ និង ជាតារាសកម្មក្នុងពិភពសិល្បៈនៅសិង្ហបុរីទៀតផង។

ក្នុងនោះ អ៊ឹងហាវ មានទីផ្សារខ្លាំងជាមួយការថតបង្ហាញម៉ូដ ថតផ្សព្វផ្សាយពាណិជ្ជកម្ម ជាពិសេស ថតសម្តែងភាពយន្ត។ ម្យ៉ាងវិញទៀត ថ្មីៗនេះ អ៊ឹងហាវ ក៏បានចាប់យកជំនាញផ្នែកច្រៀង និង បានចេញ MV ចម្រៀងផ្ទាល់ខ្លួនហើយ ដោយមានចំណងជើងថា «Reverse This»។

ជាការពិត កន្លងមកមហាជនបានឃើញមកហើយរាល់ការបង្ហាញសកម្មភាពរបស់លោក អ៊ឹងហាវ នៅក្រៅប្រទេសភាគច្រើន គឺជាការដើរបង្ហាញម៉ូដ តែថ្មីៗនេះ តារាប្រុសវ័យក្មេងកម្ពុជារូបនេះ បានធ្វើឱ្យកក្រើកឆាកកម្មវិធី SHAN NIGHT Charity នៅឯប្រទេសម៉ាឡេស៊ី នាទីក្រុងកូឡាឡាំពួរជាលើកដំបូង ក្នុងនាមជាតារាចម្រៀងវិញម្តង។

លោក អ៊ឹងហាវ បានបង្ហាញទេពកោសល្យយ៉ាងស្ទាត់ជំនាញលើឆាកអន្តរជាតិ ទាំងការច្រៀង ព្រមគ្នានឹងការរាំយ៉ាងរស់រវើកទៀតផង៕

សូមចុចទីនេះ ដើម្បីទស្សនាវីដេអូទី ១៖

សូមចុចទីនេះ ដើម្បីទស្សនាវីដេអូទី ២៖