តារាសម្តែងជើងចាស់ ជា សំនៀង បើទោះត្រូវស្ល-ា..ប់លើឆាកសម្ដែងក៏សុខចិត្ត ក្រោមហេតុផលដ៏រំជួលចិត្តនេះ

បើលើកយកតារាជើងចាស់នៅក្នុងវិស័យខ្សែភាពយន្ត ដែលរមែងដើរជាតួអង្គលោកតា តួអង្គឪពុក មហាជនច្បាស់ជាបានស្គាល់ច្បាស់ហើយតារាសម្តែងជើងចាស់ លោកតា ជា សំនៀង ជាក់ជាមិនខាន។

តារាសម្តែងជើងចាស់ លោកតា ជា សំនៀង បានបង្ហាញវត្តមានក្នុងខ្សែភាពយន្តភាគ និង ភាពយន្តខ្នាតធំជាច្រើនដូចជារឿង «ហ្លួងព្រះស្តេចកន» ដែលលោកបានដើរជាតួអង្គឪពុករបស់ ស្តេចកន នោះ។

បើទោះជាវ័យកាន់តែចាស់ លោកតា ជា សំនៀង ក៏នៅតែបន្តលើវិថីសិល្បៈដូចដើម ដោយខ្សែភាពយន្តរបស់តារាភាពយន្តជើងចាស់រូបនេះកំពុងចាក់ផ្សាយគឺរឿង «ខោល» ជាដើម។

ថ្មីៗនេះ លោកតា ជា សំនៀង បានបង្ហោះសារចាក់ដោតមួយក្នុងនាមជាសិល្បករ ដោយលោកបានរៀបរាប់ថា ៖ «បើទោះជាត្រូវស្លាប់នៅលើឆាកសម្ដែង ក៏ខ្ញុំសុខចិត្ត! ព្រោះវាជាសេចក្ដីស្រឡាញ់ដែលចេញពីបេះដូង»។ សារនោះក៏បានធ្វើឱ្យមហាជនប្រុសស្រី ជាពិសេសសិល្បករ-ការិនីគ្រប់ជំនាន់មានការរំភើបចិត្ត និង សរសើរយ៉ាងខ្លាំងពីក្តីស្រឡាញ់ក្រាលននៀលលើវិថីសិល្បៈរបស់លោកតា ដែលចាត់ទុកថាជាគំរូដល់សិល្បករ-ការិនីជំនាន់ក្រោយផងដែរ៕