ល្បីពេញហ្វេសប៊ុក! រូបថតកាតសិស្សនៃសាលារៀនមួយ នៅសៀមរាប ស្អាតៗខុសជំនាន់មុន ផ្ទុះការចាប់អារម្មណ៍
មហាជនអ្នកប្រើប្រាស់បណ្ដាញសង្គម បាននាំគ្នាផ្ទុះការចាប់អារម្មណ៍ និង ចែករំលែកបន្តគ្នាព្រោងព្រាតនូវរូបថតកាតសិស្សដ៏ស្រស់ស្អាត នៅសាលារៀនឯកជនមួយដែលមានឈ្មោះ Future Bright International School, Siem Reap ដែលមានទីតាំងនៅ ផ្លូវ ៧ មករា ភូមិវត្តបូព៌ សង្កាត់សាលាកំរើក ក្រុងសៀមរាប ខេត្តសៀមរាប។
រូបភាពដែលកំពុងទទួលបានការចាប់អារម្មណ៍ខាងលើ ត្រូវបានបង្ហោះដោយក្រុមការងារមួយដែលមានឈ្មោះ Eye Studio ព្រមទាំងបានបញ្ជាក់បែបនេះថា ៖ «ពួកយើង គឺចូលរួមមកបង្កើនសម្រស់របស់សិស្សនៅក្នុងរូបថតកាត ដើម្បីជួយសម្រួលបញ្ហារឿងមុខខ្មៅដូចជំនាន់ពូៗ។ យើងខ្ញុំសូមថ្លែងអំណរគុណ Future Bright International School, Siem Reap ដែលតែងតែគាំទ្រសេវាកម្មយើងខ្ញុំ»។
ចំពោះរូបភាពនេះដែរ បានទាក់ទាញឱ្យមហាជនអ្នកប្រើប្រាស់បណ្ដាញសង្គម នាំគ្នាបញ្ចេញមតិលេងព្រោងព្រាត ដោយស្ងើចសរសើរថាជំនាន់នេះ សិស្សសាលាមានឱកាសបានថតរូបបិទកាតស្អាតៗ ខណៈកាលនៅជំនាន់ខ្លួនរៀន មិនទាន់មានរូបថតកាតស្អាតៗបែបនេះឡើយ៕
