(វីដេអូ) អ្នកគាំទ្រចាប់អារម្មណ៍សម្រស់កូនស្រីពៅ អ្នកម៉ាក់ លីនដា ពេលលេចវត្តមានលើកទឹកចិត្តម្ដាយក្នុងថ្ងៃប្រកួត

និយាយពីបេក្ខជន MasterChef Cambodia អ្នកនាង លីម លីនដា កន្លងមកក៏ត្រូវបានមហាជនចាប់អារម្មណ៍សរសើរខ្លាំងពីស្នាដៃចម្អិនម្ហូបរបស់អ្នកនាងក្នុងចង្ក្រានបាយ MasterChef ព្រមទាំងពីជីវិតឯកជនរបស់អ្នកនាងផងដែរ។

ក្នុងចំណោមបេក្ខជនចូលរួមប្រកួតក្នុងកម្មវិធី MasterChef Cambodia រដូវកាលទី ៣ បេក្ខជន លីម លីនដា ជាបេក្ខជនមួយរូបមានអាយុច្រើនជាងគេក្នុងការប្រកួតនេះ ដោយអ្នកនាងមានវ័យ ៤៩ ឆ្នាំ ប៉ុន្តែបើទោះជាមានវ័យច្រើនគេបន្តិចមែន អ្នកនាង លីម លីនដា គឺមិនចាស់តាមវ័យនោះទេ។ ងាកទៅកាន់ជីវិតឯកជនឯនោះវិញ បេក្ខជន លីម លីនដា ត្រូវបានគេដឹងថាអ្នកនាងមានកូនស្រីចំនួន ២ នាក់ មានសម្រស់ស្រស់ស្អាតមិនចាញ់ម្តាយនោះទេ។

ជាក់ស្ដែង ក្នុងការចាក់ផ្សាយកម្មវិធី MasterChef Cambodia សប្ដាហ៍វគ្គពាក់កណ្ដាលផ្ដាច់ព្រ័ត្រ នៅយប់ថ្ងៃទី ៣ ខែវិច្ឆិកា ឆ្នាំ ២០២៤ ម្សិលមិញនេះ ដែលជាវគ្គអ្នកម៉ាក់ លីនដា បានបញ្ចេញសមត្ថភាពឆក់បានឱកាសចូល Top ៣ នៃកម្មវិធី និង ឈានដល់វគ្គប្រកួតផ្ដាច់ព្រ័ត្រដណ្ដើមពានរង្វាន់។

លើសពីនេះ អ្វីកាន់តែចាប់អារម្មណ៍ទៀត មហាជនអ្នកគាំទ្រមិនត្រឹមតែបង្ហាញការអបអរចំពោះ លីម លីនដា ដែលបានឈានជើងចូល Top 3 នៃកម្មវិធីទេ ក៏បានឃើញអ្នកគាំទ្រជាច្រើនកំពុងចាប់អារម្មណ៍ខ្លាំងលើ កូនស្រីពៅរបស់បេក្ខជនរូបនេះ ខណៈកម្មវិធីបានរៀបចំ ឱ្យនាងមក Surprise ជួយលើកទឹកចិត្តអ្នកម៉ាក់ ដែលអ្នកគាំទ្រកំពុងផ្ទុះការចែករំលែក និង សរសើរលើរូបសម្រស់របស់នាងផងដែរ៕

សូមចុចទីនេះដើម្បីទស្សនាវីដេអូ៖