រួសរាន់ឡើង! សំបុត្រចូលរួមព្រឹត្តិការណ៍ស៊ីហ្គេមលើកទី ២៣ ត្រូវបានដាក់ឱ្យកក់តាមកម្មវិធីទូរស័ព្ទហើយ នៅថ្ងៃនេះ
នៅថ្ងៃទី ២៤ ខែមេសា ឆ្នាំ ២០២៣ នេះផេក Volunteer – SEA Games Cambodia 2023 បានជូនដំណឹងអំពីការកក់សំបុត្រឥតគិតថ្លៃ សម្រាប់ព្រឹត្តិការណ៍ស៊ីហ្គេម លើកទី ៣២ ឆ្នាំ ២០២៣ ដែលមាននៅលើកម្មវិធីទូរស័ព្ទដៃ (App)។
ជាមួយគ្នានេះដែរ សារបង្ហោះរបស់ផេកបានបញ្ជាក់ឱ្យដឹងថា ការកក់សំបុត្រចូលរួមស៊ីហ្គេមលើកទី ៣២ តាមរយៈទូរស័ព្ទដៃ បានចាប់ផ្ដើមពីថ្ងៃទី ២៤ ខែមេសា នេះហើយ។ ចំណែកឯវិធីកក់សំបុត្រចូលរួមទស្សនាវិញនោះ គឺគ្រាន់តែចូលទៅក្នុង Appstore ឬ Playstore រួចដោនឡូតយកកម្មវិធី SEAGames 2023 បន្ទាប់មកក៏ចុះឈ្មោះ Sign up ឬ Register ក្នុងកម្មវិធី ហើយចុងក្រោយគឺ ធ្វើការកក់សំបុត្រ។
ដោយឡែក ចំពោះប្រិយមិត្តមិនទាន់បានទាញយកកម្មវិធីទូរស័ព្ទដៃ (App) សូមទាញយកតាមរយៈ ៖
សម្រាប់ iOS ៖ https://apps.apple.com/us/app/sea-games-2023/id1661626031
សម្រាប់ Android ៖ https://play.google.com/store/apps/details…
គួរបញ្ជាក់ដែរថា ការបើកឱ្យចូលទស្សនាគឺឥតគិតថ្លៃ ប៉ុន្តែដើម្បីរក្សាសណ្តាប់ធ្នាប់តាមបរិមាណទីលានប្រកួតមួយៗ ទើបតម្រូវឱ្យមានការកក់សំបុត្រតាមរយៈកម្មវិធីទូរស័ព្ទដៃ៕
