(វីដេអូ) រំភើបចិត្តបំផុត! កំពូលតារាចម្រៀង ឱក សុគន្ធកញ្ញា បញ្ចេញបទចម្រៀងយ៉ាងពីរោះ អបអរព្រឹត្តិការណ៍ស៊ីហ្គេម
នៅសល់តែប៉ុន្មានថ្ងៃទៀតប៉ុណ្ណោះ ថ្ងៃបើកទំព័រព្រឹតិ្តការណ៍ស៊ីហ្គេម លើទៅ ៣២ និង អាស៊ានប៉ារ៉ាហ្គេម លើកទី ១២ ដែលកម្ពុជាធ្វើជាម្ចាស់ផ្ទះ នឹងមកដល់នៅថ្ងៃទី ០៥ ខែឧសភា ឆ្នាំ ២០២៣ ខាងមុខនេះហើយ។
ក្នុងនោះដែរ ក្រឡេកទៅមើលវិស័យសិល្បៈផ្នែកឧស្សាហកម្មតន្ត្រីឯនោះវិញ មហាជនក៏បានឃើញមានតារាប្រុសស្រី និង ផលិតកម្មជាច្រើនក៏បានផលិតចម្រៀងជាបន្តបន្ទាប់ ដើម្បីអបអរក្នុងនាមជាប្រជាជនកម្ពុជាក្នុងនាមជាម្ចាស់ផ្ទះផងដែរ។
ងាកទៅកាន់កំពូលតារាចម្រៀង ឱក សុគន្ធកញ្ញា ក៏បានបញ្ចេញបទចម្រៀងអបអរកម្ពុជា ជាម្ចាស់ផ្ទះក្នុងព្រឹត្តិការណ៍ស៊ីហ្គេម លើកទៅ ៣២ និង អាស៊ានប៉ារ៉ាហ្គេម លើកទី ១២ នូវបទចម្រៀងមានចំណងជើងថា «Victory For All» កំពុងតែផ្ទុះការចាប់អារម្មណ៍យ៉ាងខ្លាំង។
MV នៃបទ «Victory For All» នេះដែរ មិនត្រឹមតែមានអត្ថន័យខ្លាំងនោះទេ តែសូម្បីតែទិដ្ឋភាពនៃការសម្តែង គឺបានបង្ហាញនូវកីឡា និង ភាពជាម្ចាស់ផ្ទះក្នុងការស្វាគមន៍អត្តពលិកគ្រប់សញ្ជាតិ មកពីបណ្តាប្រទេសនានាយ៉ាងសម្បូរបែបថែមទៀត៕
