កក្រើកអ្នកគាំទ្រ! រាជិនីសំឡេង ម៉េង កែវពេជ្ជតា លាន់មាត់យ៉ាងភ្ញាក់ផ្អើល ពេលបានជួប វណ្ណដា និង ឡូរ៉ា ម៉ម នៅកីឡដ្ឋាន

នៅរសៀលថ្ងៃទី ០២ ខែឧសភា ឆ្នាំ ២០២៣ នេះ មហាជនអ្នកគាំទ្ររាជិនីសំឡេង ម៉េង កែវពេជ្ជតា កំពុងផ្ទុះការចាប់អារម្មណ៍ ក្រោយពីតារាចម្រៀងរៀមច្បងរូបនេះបានបង្ហាញវត្តមានក្នុងពហុកីឡដ្ឋានជាតិមរតកតេជោ ជាមួយកូនស្រីពៅបណ្តូលចិត្តរបស់ខ្លួន។

អ្វីដែលធ្វើឱ្យអ្នកគាំទ្រញញឹមបិទមាត់មិនជិតនោះ គឺរូបភាព ២ សន្លឹករបស់ រាជិនីសំឡេង ម៉េង កែវពេជ្ជតា និង កូនស្រី ថតរួមគ្នានឹងតារាចម្រៀងរ៉េប វណ្ណដា និង តារាចម្រៀង ឡូរ៉ា ម៉ម ព្រមទាំងបង្ហោះសារថា ជានិស្ស័យថែម និង សរសើរដល់សិស្សប្អូនទាំង ២ ទៀតផង។

រៀមច្បង ម៉េង កែវពេជ្ជតា បានរៀបរាប់ថា ៖​ «និស្ស័យច្បាស់ក្រឡែត​! ប្អូន វណ្ណដា​ និង ប្អូនស្រី​ Lora អ្នកទាំងពីរ ពិតជាគួរឱ្យស្រឡាញ់រហូតមក​»៕