(វីដេអូ) នេះហើយជាមហាទឹកចិត្ត! ទោះឈឺដៃជាប់សេរ៉ូម តែស៊ូមកឈរចាំការដង្ហែព្រះអគ្គិជ័យកីឡា រហូតបានកាន់ផ្ទាល់ដៃ

មហាជនអ្នកប្រើប្រាស់បណ្ដាញសង្គម បាននាំគ្នាផ្ទុះការចាប់អារម្មណ៍ និង រំជួលចិត្តយ៉ាងខ្លាំង ក្រោយបានទស្សនាវីដេអូអ៊ំស្រី ២ រូប ដោយម្នាក់ដៃដាក់សេរ៉ូមហើយត្រូវកូនចៅគ្រាមកចាំឈរទទួលការដង្ហែភ្លើងជ័យនៅមុខផ្ទះ រហូតអ្នករត់ប្រគល់ភ្លើងគប់ឱ្យកាន់ដោយផ្ទាល់ដៃ ជាមួយអារម្មណ៍រំភើបសប្បាយរីករាយបំផុត។

វីដេអូខាងលើ ត្រូវបានបង្ហោះដោយគណនី Tiktok មួយដែលមានឈ្មោះ Sothearithice បានបង្ហាញពីសកម្មភាពអ៊ំស្រីទាំងដៃដាក់សេរ៉ូម ហើយបានរង់ចាំនៅមុខផ្ទះ ដើម្បីមើលការដង្ហែភ្លើងគប់ តែត្រូវបានគណៈកម្មការរត់ទៅឱ្យកាន់ភ្លើងគប់ដោយផ្ទាល់ដៃ ដែលពិតជាអារម្មណ៍ដ៏រំភើបស្ទើរតែពណ៌នាពុំបាន។

តាមរយៈវីដេអូនេះ បានធ្វើឱ្យអ្នកប្រើប្រាស់បណ្ដាញសង្គម Tiktok នាំគ្នាសម្ដែងអារម្មណ៍រំជួលចិត្ត ព្រមទាំងរំភើបជំនួសលោកទាំងពីរ ហើយបានចែករំលែកបន្តគ្នាព្រោងព្រាតពេញបណ្ដាញសង្គមទៀតផង៕

សូមចុចទីនេះ ដើម្បីទស្សនាវីដេអូ ៖