តស់ទិញអាវណាត់ Crush ពាក់ជុំគ្នា! នេះជាតម្លៃអាវដ៏ស្រស់ស្អាតរបស់ជម្រើសជាតិបាល់ទាត់កម្ពុជា

ពិតណាស់ស្មារតីគាំទ្រកីឡា ជាពិសេសកីឡាបាល់ទាត់របស់មហាគ្រួសារខ្មែរក្នុងរដូវវកាលស៊ីហ្គេម លើកទី ៣២ ឆ្នាំ ២០២៣ នេះ មានសន្ទុះគាំទ្រកាន់តែខ្លាំងឡើងៗពីមួយប្រកួតទៅមួយប្រកួត។ ជាក់ស្ដែង បើក្រឡេកទៅមើលកាលពី ២ ប្រកួតមុនដែលកម្ពុជា ប៉ះជាមួយនឹងទីម័រ និង ហ្វីលីពីន យើងសង្កេតឃើញថាអ្នកគាំទ្រកីឡាបាល់ទាត់ជម្រើសជាតិខ្មែរយើងជាច្រើន បានទិញអាវជម្រើសជាតិបាល់ទាត់កម្ពុជា និង ពាក់ជុំគ្នា ដើម្បីបង្ហាញពីទឹកចិត្តស្រឡាញ់គាំទ្ររបស់ពួកគេ។

យ៉ាងណាមិញ ខាងក្រោមនេះគឺជាប្រភេទ និង តម្លៃអាវរបស់ជម្រើសជាតិបាល់ទាត់កម្ពុជា ដោយយោងតាមគណនីផេក សហព័ន្ធកីឡាបាល់ទាត់កម្ពុជា៖

១.​ «អាវប្រកួតក្នុងដី» មានតម្លៃ ៣៧.៥០ ដុល្លារ

២. «អាវប្រកួតក្រៅដី» មានតម្លៃ ៣៧.៥០ ដុល្លារ

៣. «អាវអ្នកចាំទី» ពណ៌ខៀវចាស់បែកខ្មៅ និង ពណ៌ ក្រហម មានតម្លៃ ៣៧.៥០ ដុល្លារ

៤. «អាវធ្វើដំណើរ» ពណ៌ខៀវចាស់ ពណ៌ខៀវខ្ចី និង ពណ៌ស មានតម្លៃ ២៥ ដុល្លារ

៥. «អាវហ្វឹកហាត់» ពណ៌ខៀវ និង ពណ៌ ស មានតម្លៃ ១៧.៥០ ដុល្លារ

៦. «អាវហ្វឹកហាត់អ្នកចាំទី» មានតម្លៃ ១៧.៥០ ដុល្លារ៕