ឈ្នះទៀតហើយ! កីឡាការិនី ខាន់ ចេសា បន្តយកឈ្នះ ដោយកីឡាការិនីវៀតណាមសុំចុះចាញ់

នៅថ្ងៃទី ០៤ ខែឧសភា ឆ្នាំ ២០២៣ នេះ វិញ្ញាសាជូជឺតសូ នៅក្នុងព្រឹត្តិការណ៍កីឡាស៊ីហ្គេម បានចាប់ផ្ដើមបើកការប្រកួតជាលើកដំបូង នៅទីតាំង OCIC ជ្រោយចង្វារ រាជធានីភ្នំពេញ។

ក្នុងការប្រកួតនេះដែរ ក៏មានវត្តមានកីឡាករ ខាន់ចេសា ចូលរួមប្រកួតតំណាងឱ្យកម្ពុជា ទល់នឹងកីឡាការិនីវៀតណាម បន្ទាប់ពីបានយកឈ្នះកីឡាការិនីសិង្ហបុរីមុននេះ។

ជាលទ្ធផល កីឡាការិនី ខាន់ ចេសា បានផ្ដួលដៃគូជម្រើសជាតិវៀតណាម ដោយដៃគូបានសុំការចុះចាញ់ការប្រកួត៕