(វីដេអូ) ពេលគេសួរស្រឡាញ់នារីខ្មែរឬអត់? កីឡាករហែលទឹកជម្រើសជាតិកម្ពុជា អង់ត្វ័ន ឆ្លើយយ៉ាងភ្ញាក់ផ្អើល

នៅព្រឹកថ្ងៃទី ៥ ខែឧសភា ឆ្នាំ ២០២៣ នេះ គឺជាថ្ងៃបើកព្រឹត្តិការណ៍ស៊ីហ្គេមលើកទី ៣២ និង អាស៊ានប៉ារ៉ាហ្គេមលើកទី ១២ ដែលព្រឹត្តិការណ៍ប្រកួតកីឡាលំដាប់អន្តរជាតិដ៏អស្ចារ្យនៅឆ្នាំ ២០២៣ នេះ កម្ពុជាទទួលបានសិទ្ធិធ្វើជាម្ចាស់ផ្ទះ។

នៅក្នុងព្រឹត្តិការណ៍នេះដែរ ទស្សនិកជនក៏កំពុងរំភើបញាប់ញ័រ រង់ចាំទស្សនាការប្រកួតដ៏ស្វិតស្វាញពីបណ្ដាប្រទេសនានាក្នុងតំបន់អាស៊ីអាគ្នេយ៍តាមវិញ្ញាសានីមួយៗ។

ក្នុងនោះដែរ វិញ្ញាសាកីឡាហែលទឹក ក៏កំពុងត្រូវបានមហាជនចាប់អារម្មណ៍ខ្លាំង ជាពិសេសមហាជនជាច្រើនក៏កំពុងផ្ទុះការចាប់អារម្មណ៍ទៅលើកីឡាជម្រើសជាតិកម្ពុជា ដឺ ឡាប៉ារ៉ង់ អង់ត្វ័ន ជាកូនកាត់ខ្មែរបារាំង ដែលរូបគេមានរូបរាងស្រស់សង្ហា មុខមាត់គួរឱ្យស្រឡាញ់ ថែមទាំងមានចរិតរួសរាយរាក់ទាក់។

ថ្មីៗនេះ កីឡាការិនីហែលទឹក ហែមថុន វិទិនី បានបង្ហោះវីដេអូខ្លីមួយពីប្រុសស្អាត អង់ត្វ័ន នៅក្នុងគណនី Tiktok កាន់តែធ្វើឱ្យមហាជនចាប់អារម្មណ៍ខ្លាំងលើកីឡាករហែលទឹកជម្រើសជាតិរូបនេះ ក្រោយរូបគេ ឆ្លើយថា ខ្លួនស្រឡាញ់នារីខ្មែរ ជាមួយទឹកមុខអឹមអៀនគួរឱ្យស្រឡាញ់បំផុត។ សូមចុចទីនេះ ដើម្បីទស្សនាវីដេអូ ៖