ហ៊ោកក្រើកកីឡដ្ឋាន! កំពូលតារាចម្រៀង ឱក សុគន្ធកញ្ញា ច្រៀងបទ «Victory For All» ជាមួយទស្សនីយភាពសិល្បៈដ៏អស្ចារ្យ

ពិធីបើកមហាព្រឹត្តិការណ៍ស៊ីហ្គេមលើកទី ៣២ និង អាស៊ានប៉ារ៉ាហ្គេមលើកទី ១២ ដែលកម្ពុជាធ្វើជាម្ចាស់ផ្ទះ រៀបចំឡើងនៅពហុកីឡដ្ឋានជាតិមរតកតេជោនៅល្ងាចថ្ងៃទី ០៥ ខែឧសភា ឆ្នាំ ២០២៣ នេះ បានចាប់ផ្ដើមដំណើរការជាផ្លូវការហើយ។

ក្នុងពិធីបើកមហាព្រឹត្តិការណ៍ស៊ីហ្គេមលើកទី ៣២ និង អាស៊ានប៉ារ៉ាហ្គេមលើកទី ១២ នេះ មហាជនបានឃើញមានការសម្តែងក្នុងទម្រង់សិល្បៈជាច្រើន ក្នុងនោះក៏មានការច្រៀងពីសំណាក់តារាចម្រៀល្បីៗក្នុងប្រទេសកម្ពុជាផងដែរ។

ជាក់ស្តែង ក៏មានវត្តមានរបស់កំពូលតារាចម្រៀង ឱក សុគន្ធកញ្ញា ផងដែរ ដោយកំពូលតារាចម្រៀងរូបនេះ បានឡើងបកស្រាយចម្រៀងបទ «Victory For All» ដែលជាបទចម្រៀងដ៏លេចធ្លោក្នុងការអបអរមហាព្រឹត្តិការណ៍ដ៏អស្ចារ្យនេះ ជាមួយនឹងការសម្តែងទស្សនីយភាពសិល្បៈដ៏អស្ចារ្យលើទីលានស្មៅខៀវខ្ចីនៃពហុកីឡដ្ឋានជាតិ មរតកតេជោ។

ជាការពិត វត្តមានរបស់កំពូលតារាចម្រៀង ឱក សុគន្ធកញ្ញា ជាមួយការសម្តែងទស្សនីយភាពពេញដោយភាពស្វាហាប់ អង់អាច រួមជាមួយនឹងកីឡាគ្រប់ប្រភេទក្នុងរូបភាពយ៉ាងប្រណីតស្រស់ស្អាតត្រជាក់ភ្នែក បានទាក់ទាញចំណាប់អារម្មណ៍ថ្នាក់ដឹកនាំជាតិ និង មហាជនអ្នកគាំទ្រមិនស្ទើរឡើយ ឱ្យទះដៃអបអរសាទរ និង ស្រែកហ៊ោពេញពហុកីឡដ្ឋានជាតិ៕

សូមទស្សនាវីដេអូខាងក្រោម៖