អស្ចារ្យណាស់! កំពូលតារាចម្រៀងហង្សមាស ៦ រូប សម្តែងរួមគ្នាក្នុងនាមជាម្ចាស់ផ្ទះ ស៊ីហ្គេមលើកទី ៣២
នៅល្ងាចថ្ងៃទី ៣០ ខែវិចិ្ឆកា ឆ្នាំ ២០២២ ពិធីបើកមហាព្រឹត្តិការណ៍ស៊ីហ្គេមលើកទី ៣២ និង អាស៊ានប៉ារ៉ាហ្គេមលើកទី ១២ ដែលកម្ពុជាធ្វើជាម្ចាស់ផ្ទះ នៅពហុកីឡដ្ឋានជាតិមរតកតេជោ បានបើកអបអរជាផ្លូវការហើយ។
ជាមួយពិធីបើកមហាព្រឹត្តិការណ៍ស៊ីហ្គេមលើកទី ៣២ និង អាស៊ានប៉ារ៉ាហ្គេមលើកទី ១២ មហាជនបានឃើញមានការសម្តែងក្នុងទម្រង់សិល្បៈជាច្រើន ក្នុងនោះក៏មានការច្រៀងពីសំណាក់តារាចម្រៀល្បីៗក្នុងប្រទេសកម្ពុជាផងដែរ។
ក្រៅពីការទន្ទឹងរង់ចាំមហាព្រឹត្តិការណ៍ដ៏អស្ចារ្យដែលកម្ពុជាធ្វើជាម្ចាស់ផ្ទះនេះ តាមរយៈការផ្សាយផ្ទាល់មុននេះ មហាជនក៏កំពុងរំភើបចិត្តខ្លាំងណាស់ដែរ ក្រោយបានទស្សនាការបកស្រាយចម្រៀង និង សម្ដែងទស្សនីយភាពបទ «Go Go SEA Games» ដែលជាបទចម្រៀងសម្រាប់ចូលរួមអបអរសាទរព្រឹត្តិការណ៍ស៊ីហ្គេមលើកទី ៣២ និង អាស៊ានប៉ារ៉ាហ្គេមលើកទី ១២ ដោយកំពូលតារាចម្រៀងល្បី ៦ រូបមាន លោក ណុប ប៉ាយ៉ារិទ្ធ, អ្នកនាង សុគន្ធ នីសា, លោក ឆន សុវណ្ណារាជ, លោក ហ្សូណូ, អ្នកនាង សួស វីហ្សា និង អ្នកនាង ពេជ្រ សោភា។
ក្រោយពីបានស្ដាប់ការបកស្រាយចម្រៀង និង ទស្សនាផ្ទាំងទស្សនីយដ៏រំភើបនៃបទចម្រៀង «Go Go SEA Games» នេះដែរ បានបង្ហាញនូវទង់ជាតិកម្ពុជាដ៏ត្រចះត្រចង់ និង បង្ហាញនូវកីឡាជាតិជាច្រើនសណ្ឋាន ពាក្យពេចន៍ជូនពរ និង អបអរអត្តពលិក ក៏ដូចជាបង្ហាញពីមោទនភាពកម្ពុជា ក្នុងនាមជាម្ចាស់ផ្ទះ មួយនេះ ទស្សនាហើយព្រឺសម្បុរ ជ្រួតជ្រាបពេញបេះដូងតែម្តង៕
