រំភើបណាស់! វត្តមានរាជិនីសំឡេង ម៉េង កែវពេជ្ជតា បកស្រាយចម្រៀងជាមួយកូនៗ អបអរពិធីបើកព្រឹត្តិការណ៍ស៊ីហ្គេម

ពិធីបើកមហាព្រឹត្តិការណ៍ស៊ីហ្គេមលើកទី ៣២ និង អាស៊ានប៉ារ៉ាហ្គេមលើកទី ១២ ដែលកម្ពុជាធ្វើជាម្ចាស់ផ្ទះ រៀបចំឡើងនៅពហុកីឡដ្ឋានជាតិមរតកតេជោនៅល្ងាចថ្ងៃទី ០៥ ខែឧសភា ឆ្នាំ ២០២៣ នេះ បានចាប់ផ្ដើមដំណើរការជាផ្លូវការហើយ។

ក្នុងពិធីបើកមហាព្រឹត្តិការណ៍ស៊ីហ្គេមលើកទី ៣២ និង អាស៊ានប៉ារ៉ាហ្គេមលើកទី ១២ នេះ មហាជនបានឃើញមានការសម្តែងក្នុងទម្រង់សិល្បៈជាច្រើន ក្នុងនោះក៏មានការច្រៀងពីសំណាក់តារាចម្រៀល្បីៗក្នុងប្រទេសកម្ពុជាផងដែរ។

ជាក់ស្តែង តាមរយៈការផ្សាយផ្ទាល់មុននេះ ក៏មានវត្តមានរបស់កំពូលតារាចម្រៀងសំឡេងមាស ម៉េង កែវពេជ្ជតា ផងដែរ ដោយកំពូលតារាចម្រៀងរូបនេះ បានឡើងបកស្រាយចម្រៀងយ៉ាងពីរោះរណ្ដំអមជាមួយនឹងអ្នកលេងហ្គីតាអបអរមហាព្រឹត្តិការណ៍ដ៏អស្ចារ្យនេះ។

ជាការពិត វត្តមានរបស់កំពូលតារាចម្រៀងស្រីរូបនេះ  បកស្រាយបទចម្រៀងក្នុងពិធីបើកមហាព្រឹត្តិការណ៍ស៊ីហ្គេម មហាជនអ្នកគាំទ្ររំភើបចិត្តមិនស្ទើរឡើយ ឱ្យទះដៃអបអរសាទរ និង ស្រែកហ៊ោពេញពហុកីឡដ្ឋានជាតិ៕