សោកស្តាយ! ក្រុមយុវជនវិញ្ញាសា MLBB បុរស បានត្រឹមលេខ ៤ ក្រោយថ្វីដៃចាញ់មីយ៉ាន់ម៉ា
នៅរសៀលថ្ងៃទី ១៤ ខែឧសភា ឆ្នាំ ២០២៣ នេះ ម្ចាស់ផ្ទះកម្ពុជា បានបើកទ្វារប្រកួតជាមួយក្រុមកីឡាករអេឡិចត្រូនិក វិញ្ញាសា Mobile Legend Bang Bang ដើម្បីដណ្ដើមយកលេខ ៣ មេដាយសំរឹទ្ធ ក្នុងព្រឹត្តិការណ៍កីឡាស៊ីហ្គេមលើកទី ៣២ ធ្វើឡើងនៅក្នុងសាល Naga world 2។
តាមរយៈការប្រកួតនេះ ក្រុមជម្រើសជាតិមីយ៉ាន់ម៉ា បានយកឈ្នះ កម្ពុជា ជាមួយលទ្ធផល ២-០ ទទួលបានលេខ ៣ បានមេដាយសំរឹទ្ធ ខណៈក្រុមកម្ពុជាបានត្រឹមលេខ ៤ ក្នុងព្រឹត្តិការណ៍កីឡាស៊ីហ្គេមលើកទី ៣២។
ចំពោះវគ្គប្រកួតផ្ដាច់ព្រ័ត្រ ម៉ាឡេស៊ី នឹងត្រូវប្រកួតជាមួយ ហ្វីលីពីន ដើម្បីដណ្ដើមយកមេដាយមាស ក្នុងព្រឹត្តិការណ៍កីឡាស៊ីហ្គេមលើកទី ៣២ នៅម៉ោង ៣ រសៀលថ្ងៃទី ១៤ ខែឧសភា ឆ្នាំ ២០២៣ នេះ៕
