ដឹងតែកក្រើកទៀតហើយ! ធ្លាយទិដ្ឋភាពហាត់សមបើក អាស៊ានប៉ារ៉ាហ្គេម ត្រៀមបង្ហាញនៅថ្ងៃទី ៣ មិថុនាខាងមុខ
ក្រោយបញ្ចប់ព្រឹត្តិការណ៍កីឡាអាស៊ីអាគ្នេយ៍លើកទី ៣២ ដែលប្រព្រឹត្តទៅដោយរលូន ក្រោមការអបអរសាទរពីបណ្ដាប្រជាជនខ្មែរទាំងក្មេងចាស់ប្រុសស្រី ពេលនេះកម្ពុជាក៏ត្រៀមប្រារព្ធពិធីបើកព្រឹត្តិការណ៍អាស៊ានប៉ារ៉ាហ្គេមលើកទៅ ១២ ដែលនឹងធ្វើឡើងនៅថ្ងៃទី ៣ ខែមិថុនា ឆ្នាំ ២០២៣ ខាងមុខ។
ពិតណាស់ ផ្ទាំងទស្សនីយភាពដ៏អស្ចារ្យជាច្រើននៅក្នុងពិធីបើក-បិទព្រឹត្តិការណ៍កីឡាអាស៊ីអាគ្នេយ៍ លើកទី ៣២ ឆ្នាំ ២០២៣ នៅតែដក់ជាប់ក្នុងការចងចាំរបស់ប្រជាជនខ្មែរ ជាមួយនឹងមោទកភាពពេញក្រអៅបេះដូង ដែលកម្ពុជាមានឱកាសធ្វើជាម្ចាស់ផ្ទះនៅក្នុងមហាព្រឹត្តិការណ៍ជាប្រវត្តិសាស្រ្តមួយនេះ។
ដោយឡែក ខណៈកម្ពុជាកំពុងត្រៀមរៀបចំពិធីបើក អាស៊ានប៉ារ៉ាហ្គេមលើកទី ១២ នៅដើមខែ មិថុនា ឆ្នាំ ២០២៣ ខាងមុខ ក៏មានការទម្លាយពីសកម្មភាពហាត់សមមួយចំនួន ដែលត្រៀមបង្ហាញនៅក្នុងការបើក អាស៊ានប៉ារ៉ាហ្គេម ឃើញថាកំពុងផ្ទុះការស៊ែរចែករំលែកតៗគ្នាពីអ្នកលេងបណ្ដាញសង្គមហ្វេសប៊ុក និង Tiktok ជាមួយនឹងការរង់ចាំយ៉ាងអន្ទះសានូវព្រឹត្តិការណ៍មួយនេះមកដល់៕
ប្រភពរូប៖ ដំណើរឆ្ពោះទៅកាន់ស៊ីហ្គេមកម្ពុជា ២០២៣
