ព្រះសង្ឃ វត្តឧណ្ណាលោមខ្លោចចិត្ត អាណិតព្រះវិហារបុរាណត្រូវភ្លើងលេបត្របាក់ បំផ្លាញព្រះអង្គច្រើនអង្គ

កាលពីយប់ម៉ោងប្រមាណជា៧ ថ្ងៃទី៩ ខែមករា ឆ្នាំ២០២០ ដែលជាថ្ងៃសីលពេញបូរមីផង មានករណីអគ្គីភ័យមួយបានឆាបឆេះឡើងនៅក្នុងព្រះវិហារវត្តឧណ្ណាលោម រាជធានីភ្នំពេញតែម្តង ។

អគ្គីភ័យនេះបានបណ្តាលឱ្យខូចខាតសមិទ្ធផលជាច្រើននៅក្នុងវត្ត រួមមានដូចជា ព្រះពុទ្ធបដិមា រូបចម្លាក់ផ្សេងៗ ពិដាន និង ជញ្ជាំងព្រះវិហារជាន់ទី២ ស្ទើរទាំងស្រុង ។​

យ៉ាងណាមិញដោយមានភ្នាក់ងារ និង រថយន្តពន្លត់អគ្គីភ័យ បានទៅដល់ទីតាំងមុនពេលភ្លើងឆេះរាលដាលខ្លាំង ទើបមិនមានការខូចខាតដល់ទ្រព្យសម្បតិ្តខាងក្រៅ ឬមានអ្នករងរបួសនោះឡើយ ។

សូមបញ្ជាក់ថា អគ្គីភ័យដែលឆាបឆេះព្រះវិហារវត្តឧណ្ណាលោមខាងលើនេះ គឺបណ្តាលមកពីការផ្ទុះសេចរន្តអគ្គីសនីដែលភ្ជាប់នៅក្នុងវិហារផ្ទាល់ ៕

ប្រភព៖​ ខ្មែរ កម្ពុជរដ្ឋ