គ្រូគណិតសង្ហាម្នាក់ កំពុងល្បីទាញបេះដូងសិស្សដែលធុញម៉ោងគណិត ឱ្យមករៀនវិញគ្មានសល់ម្នាក់

និយាយដល់មុខវិជ្ជាគណិតវិទ្យា សិស្សជាង ៥០ ភាគរយ ប្រាកដជាឮហើយធុញ ឈឺក្បាល មិនចង់ចូលរៀន ព្រោះវាជាមុខវិជ្ជាដែលពិបាក ត្រូវប្រើខួរក្បាលច្រើនដើម្បីគិត តាងលិចតាងកើតទម្រាំតែរកឃើញចម្លើយ ហើយបើប៉ះគ្រូដែលកាចទៀតនោះ ច្បាស់ជាគេចម៉ោងមិនចូលរៀនមិនខាន ។

ដោយឡែកសម្រាប់លោកគ្រូគណិតវិទ្យាវ័យក្មេងមួយរូប ដែលបង្រៀននៅវិទ្យាស្ថាន Technology Ladkrabang កំពុងអូសទាញវត្តមានសិស្សស្រីៗឱ្យមកអង្គុយរៀនក្នុងថ្នាក់គ្មានបាត់មួយថ្ងៃ ព្រោះតែរូបរាងដ៏ស្រស់សង្ហា និង មុខមាត់ពោរពេញដោយមន្តស្នេហ៍របស់លោកគ្រូកំលោះរូបនេះ ។

សិស្សស្រីដែលធុញទ្រាន់នឹងមុខវិជ្ជាគណិត បាននាំគ្នាមករៀនវិញគ្មានសល់ម្នាក់ ហើយពួកគេថែមទាំងបានលួចថតរូបលោកគ្រូកំលោះរូបនោះក្នុងសកម្មភាពកំពុងបង្រៀនសិស្សបង្ហោះលើបណ្ដាញសង្គមព្រោងព្រាតទៀតផង មើលទៅសង្ហា និង ទាក់ទាញគ្រប់ប៉ុស្ដិ៍ ។

លើសពីនេះ សិស្សស្រីៗទាំងអស់នោះ ថែមទាំងនាំគ្នាលើកឡើងទៀតថា ព្រោះតែថ្នាក់របស់ពួកគេមានលោកគ្រូគណិតរូបសង្ហានេះហើយ ធ្វើឱ្យពួកគេខំប្រឹងរៀនសូត្រមករៀនមិនសល់ថ្ងៃ ៕