ត្រៀមៗ! សាលាក្រហម ប្រកាសឱ្យប្រកួតប្រជែង យកអាហារូបករណ៍១០០% មួយចប់កម្មវិធីសិក្សា
សាកលវិទ្យាល័យវិទ្យាសាស្ត្រសុខាភិបាល បានប្រកាសដំណឹងអំពីការប្រឡងប្រជែងយកអាហារូបករណ៍ ១០០% សិក្សាមួយចប់កម្មវិធី ។
សាកលវិទ្យាល័យបានប្រកាសនៅលើទំព័រហ្វេសប៊ុកផេកថា អនាគតនិស្សិតដែលមានការតាំងចិត្តខ្ពស់ក្នុងការសិក្សានៅ “ស.វ.ស” គឺអ្នកបានផ្តល់នូវជម្រើសឆ្លាតវៃដល់ខ្លួនឯងរួចជាស្វ័យប្រវត្តិក្នុងការប្រកួតប្រជែងយក”អាហារូបករណ៍១០០ភាគរយ” ផ្តល់ជូនមួយចប់កម្មវិធីសិក្សាទៅតាមជំនាញដែលអ្នកបានជ្រើសរើស ។
សូមត្រៀមខ្លួនរង់ចាំសេចក្តីជូនដំណឹងទាក់ទងនឹងការប្រឡងជ្រើសរើសចូលរៀនថ្នាក់ជាតិក្នុងវិស័យសុខាភិបាលដែលរៀបចំដោយគណៈកម្មាធិការប្រឡងថ្នាក់ជាតិ នៃទីស្តីការគណៈរដ្ឋមន្រ្តី។
ករណីដែលប្អូនមានចម្ងល់បន្ថែម សូមទំនាក់ទំនងតាមលេខ 023 430 559 (រៀងរាល់ម៉ោងធ្វើការ) ឬអញ្ចើញសួរព័ត៌មានដោយផ្ទាល់នៅបញ្ចរព័ត៌មាន ទីតាំងទី១ នៃស.វ.ស។
សាកលវិទ្យាល័យវិទ្យាសាស្ត្រសុខាភិបាល (ស.វ.ស) ហៅក្រៅថា សាលាក្រហម ជាភាសាអង់គ្លេស University of Health Sciences (U.H.S) និង ជាភាសាបារាំង Université Des Sciences De La Santé (U.S.S) ។ សាកលវិទ្យាល័យវិទ្យាសាស្ត្រសុខាភិបាល ជាគ្រឹះស្ថានឧត្ដមសិក្សាផ្នែកសុខាភិបាលដែលមានវ័យចំណាស់មួយ និងល្បីល្បាញបំផុតនៅប្រទេសកម្ពុជា ។ សាលាពេទ្យដ៏ធំមួយនេះ មានបែកចែកជាច្រើនមហាវិទ្យាល័យ និងស្ថាប័នរងដូចជា៖
- ថ្នាក់ឆ្នាំសិក្សាមូលដ្ឋាន
- មហាវិទ្យាល័យ វេជ្ជសាស្ត្រ
- មហាវិទ្យាល័យ ឱសថសាស្ត្រ
- មហាវិទ្យាល័យ ទន្តវទនសាស្ត្រ
- សាលាបច្ចេកទេសថែទាំវេជ្ជសាស្ត្រ
- មជ្ឍមណ្ឌល អភិវឌ្ឍន៍អប់រំវិជ្ជាជីវៈសុខាភិបាល
