ថ្ងៃឆ្លងឆ្នាំ! កម្ពុជា មានភ្ញៀវបុកដើរលេងដល់ខ្ទង់លាននាក់ ខេត្ត-ក្រុងទាំងនេះ មានអ្នកទៅលេងច្រើនដាច់គេ

ឯកឧត្ដម ថោង ខុន រដ្ឋមន្ត្រីក្រសួងទេសចរណ៍ បានបញ្ជាក់ឱ្យបានដឹងថា នាឱកាសឆ្លងឆ្នាំសកល ២០២១ ឆ្លងចូល ២០២២ នៅទូទាំងប្រទេសកម្ពុជា គឺទទួលបានភ្ញៀវទេសចរសរុបជាង ១ លាន ១ សែននាក់ ដែលក្នុងនោះរាជធានីភ្នំពេញ និង ខេត្តសៀមរាបមានអ្នកចូលទស្សនាច្រើនជាងគេ។

ក្នុងនោះ ឯកឧត្ដមរដ្ឋមន្ត្រី បានបង្ហាញអំពីគោលដៅទេសចរណ៍សំខាន់ៗមួយចំនួន រួមមាន៖

១. រាជធានីភ្នំពេញ ៖ ៣៦៥ ៦៥៣ នាក់

២. ខេត្តសៀមរាប ៖ ១៨៩ ៤៣៦ នាក់

៣. ខេត្តកំពត ៖ ៩៦ ១៣៨ នាក់

៤. ខេត្តកំពង់ស្ពឺ ៖ ៨០ ១០០ នាក់

៥. ខេត្តកំពង់ឆ្នាំង ៖ ៧១ ៨៦៩ នាក់

៦. ខេត្តកែប ៖ ៦៦ ១៣៥ នាក់

៧. ខេត្តព្រះសីហនុ ៖ ៥៥ ៧១៧ នាក់។

ឯកឧត្ដមរដ្ឋមន្ត្រី ថោង ខុន បានបន្តទៀតថា ចំពោះការគ្រប់គ្រងសន្តិសុខ សណ្ដាប់ធ្នាប់ និង ចរាចរណ៍ ជាដើម មានភាពល្អប្រសើរ មិនមានបញ្ហា ឬ ការរំខានណាមួយកើតឡើងគួរកត់សម្គាល់ទេ នៅយប់ថ្ងៃឆ្លងឆ្នាំ ដោយគណៈបញ្ជាការឯកភាពរាជធានី-ខេត្ត បានរៀបចំកម្លាំងប្រចាំការនៅតាមទីតាំងសំខាន់ៗក្នុងមូលដ្ឋានរបស់ខ្លួន៕

សូមអានសេចក្ដីលម្អិតនៅខាងក្រោម ៖

ប្រភព ៖ ក្រសួងទេសចរណ៍