ភ្លេចៗខ្លួន! ថ្លៃសាំង និង ម៉ាស៊ូត ហក់ឡើង ២០០ រៀលទៀតហើយ ចាប់ពីថ្ងៃនេះដល់ចុងខែ

ក្រសួងពាណិជ្ជកម្ម នៅថ្ងៃទី ១៦ ខែកុម្ភៈ ឆ្នាំ ២០២២ នេះ បានប្រកាសពីថ្លៃលក់ប្រេងឥន្ធនៈ នៅតាមស្ថានីយសម្រាប់លក់រាយ ចាប់ពីថ្ងៃទី ១៦ ដល់ថ្ងៃទី ២៨ ខែមករា ឆ្នាំ ២០២២។ តាមសេចក្ដីប្រកាសព័ត៌មាន បានឱ្យដឹងថា តម្លៃប្រេងសាំងធម្មតា នៅក្នុងសប្ដាហ៍នេះ ១ លីត្រ តម្លៃ ៤៧០០ រៀល។ ចំណែកឯប្រេងម៉ាស៊ូតវិញ នៅក្នុងសប្ដាហ៍នេះមានតម្លៃ ៤៤៥០ រៀល ក្នុង ១ លីត្រ។

បើធៀបទៅនឹងសប្ដាហ៍មុន យើងឃើញថា តម្លៃប្រេងសាំងធម្មតានៅសប្ដាហ៍នេះ ឡើងថ្លៃជាងសប្ដាហ៍មុនចំនួន ២០០ រៀល ដែលកាលពីសប្ដាហ៍មុន តម្លៃសាំងធម្មតាមានតម្លៃត្រឹមតែ ៤៥០០ រៀលប៉ុណ្ណោះ ក្នុងមួយលីត្រ ។ ដោយឡែក ចំណែកឯតម្លៃប្រេងម៉ាស៊ូតវិញ ឃើញថាឡើងថ្លៃជាងសប្ដាហ៍មុនចំនួន ២០០ រៀលផងដែរ ដែលសប្ដាហ៍មុនប្រេងម៉ាស៊ូត គឺមានតម្លៃត្រឹមតែ ៤២៥០ រៀល ក្នុង ១ លីត្រ ៕

ដើម្បីជ្រាបកាន់តែច្បាស់ សូមអានសេចក្តីលម្អិតខាងក្រោម ៖