ព្រះគ្រូ គូ សុភាព ៖ «បើគ្រាន់ខំមិនលេខ ១៦៨ នាំឱ្យរកស៊ីមានបានមែន នោះស្រុកយើង លែងមានអ្នកក្រហើយ»

ប្រិយមិត្តនៅក្នុងបណ្ដាញសង្គម ក៏ដូចជាពុទ្ធសាសនិកនៅកម្ពុជា ច្បាស់ជាបានស្គាល់ ព្រះភិក្ខុវជិរប្បញ្ញោ គូ សុភាព ហើយ ដែលកន្លងមកគុណម្ចាស់​តែងតែចែករំលែកនូវធម៌អប់រំចិត្តនានា ជូនញាតិញោមគ្រប់វ័យ ប្រកបទៅដោយទស្សនៈថ្លៃថ្លា និង ផ្ដល់នូវគុណប្រយោជន៍បំផុត ចំពោះផ្លូវចិត្ត ក៏ដូចជាទស្សនៈជីវិត ក្នុងការរស់នៅរបស់មនុស្ស។

យ៉ាងណាមិញ នៅថ្ងៃទី ០៣ ខែមីនា ឆ្នាំ ២០២២ នេះ ព្រះតេជគុណ បានចែករំលែកអំពីជំនឿ ជុំវិញរឿងលេខ ១៦៨ នៅលើផេកផ្លូវការរបស់តេជគុណ ដោយបានបញ្ជាក់ឱ្យបានដឹងថា ៖ «បើគ្រាន់តែ ខំមិនលេខនេះហើយ នាំឱ្យរកស៊ីមានបានមែន ស្រុកយើងពិតជាលែងមានអ្នកក្រហើយ»។

បន្ថែមលើសពីនេះ គុណម្ចាស់បា​នពន្យល់ពីហេតុផលឱ្យបានដឹងថា មាន ឬ ក្រ គឺអាស្រ័យលើការប្រឹងប្រែង (កម្មថ្មី) រួមជាមួយបុណ្យចាស់ (ធ្វើទាន មិនកំណាញ់) ខណៈសទ្ធារបស់យើង ត្រូវប្រកបដោយបញ្ញា កុំឱ្យចាញ់បោកគេ៕