រំជួលចិត្ត! ពេលនេះ ស-ពក្មេងស្រីរងគ្រោះ ត្រូវគ្រួសារយកទៅធ្វើបុណ្យ ខណៈឃា-ត-កមិនទាន់វែកមុខឃើញ

នៅថ្ងៃទី ១០ ខែមីនា ឆ្នាំ ២០២២ នេះ សពក្មេងស្រី លួត លីហ្សា ដែលមានអាយុ ៧ ឆ្នាំ ជាសិស្សរៀនថ្នាក់ទី ២ បានបាត់បង់ជីវិត ជុំវិញករណីឃាតកម្ម ត្រូវបានក្រុមក្រុមគ្រួសារយកចេញពីកន្លែងកើតហេតុ ដែលត្រូវគេកប់បាំងដោយផ្ទាំងថ្ម ត្រឡប់ទៅគេហដ្ឋានវិញ ដើម្បីធ្វើបុណ្យទៅតាមប្រពៃណី នៅភូមិទំនប់ក៥ សង្កាត់ប៉ោយប៉ែត ក្រុងប៉ោយប៉ែត ខេត្តបន្ទាយមានជ័យ ខណៈជនល្មើសត្រូវបានសមត្ថកិច្ចកំពុងវែកមុខស្វែងរកយ៉ាងសកម្ម។

គួរឱ្យដឹងផងដែរថា កាលពីវេលាម៉ោង ៧:០០ ព្រឹក ថ្ងៃទី ០៩ ខែមីនា ឆ្នាំ ២០២២ កន្លងទៅ ក្មេងស្រីខាងលើ ដែលមានឈ្មោះ លីហ្សា បានបាត់ខ្លួនពេលទៅសាលារៀន ដោយរកឃើញតែកាបូបរៀន របស់ក្មេងស្រី នៅក្នុងព្រៃ ស្ថិតក្នុងភូមិសាស្ត្រ ភូមិទំនប់ក៥ សង្កាត់ប៉ោយប៉ែត ក្រុងប៉ោយប៉ែត ខេត្តបន្ទាយមានជ័យ។

លុះស្រាប់តែ នៅយប់ថ្ងៃទី ០៩ ខែមីនា ឆ្នាំ ២០២២ ប្រជាពលរដ្ឋ បានប្រទះឃើញសាកសពក្មេងស្រី ដែលបានបាត់ខ្លួន កប់នៅក្នុងដីគួរឱ្យស្រណោះអាសូរបំផុត ទើបសមត្ថកិច្ចបានហ៊ុមព័ទ្ធខ្សែ ដើម្បី ធ្វើកោសល្យវិច្ច័យដើម្បីស្វែងរកការពិតតែម្ដង៕

សូមទស្សនាវីដេអូនៅខាងក្រោម ៖