ផ្ទុះការភ្ញាក់ផ្អើល! គ្នា ៤ នាក់នៅលើឡានតែមួយ តែអកុសលស្លា.ប់ ៣ នាក់ និងម្នាក់កំពុងសង្គ្រោះ
កាលពីវេលាម៉ោង ៧ យប់ ថ្ងៃទី ៩ ខែមីនា ឆ្នាំ ២០២២ កន្លងទៅ មានករណី ប្រុសស្រី ៤ នាក់ បានគាំងបេះដូង បែកពពុះមាត់ ស្លាប់ ០២ នាក់នៅក្នុងឡាន High Lander មួយគ្រឿង ស្ថិតនៅផ្ទះល្វែងមួយកន្លែង ទល់មុខផ្សារសាររឿនយ៉ានី ស្ថិតក្នុងភូមិបុរីកម្មករ ក្នុងសង្កាត់ជើងឯក ខណ្ឌដង្កោ រាជធានីភ្នំពេញ បង្កឱ្យមានការភ្ញាក់ផ្អើលយ៉ាងខ្លាំង។
ករណីខាងលើនេះ ត្រូវបានបានប្រជាពលរដ្ឋ ប្រទះឃើញ មនុស្ស ៤ នាក់ (បុរស ២ នាក់ នារី ២ នាក់) នៅក្នុងរថយន្ត Highlander ជាមួយគ្នា ក្នុងនោះមានបុរសពីរនាក់ សង្ស័យគាំងបេះដូងស្លាប់ក្នុងរថយន្ត និងនារីពីរនាក់ទៀត នៅមានដង្ហើម តែស្ថិតក្នុងសភាពគាំ.ង និយាយមិនរួចបែកពពុះមាត់ ហើយត្រូវបានលើកចេញមកក្រៅ ដើម្បីធ្វើការសង្គ្រោះបឋម រួចហៅរថយន្តសង្គ្រោះ មកដឹកបញ្ជូនទៅសង្គ្រោះនៅមន្ទីរពេទ្យតែម្ដង។
ក្នុងនោះផងដែរ ជនរងគ្រោះ ត្រូវបានគេស្គាល់មានឈ្មោះថា ចំរើន ឆៃយ៉ា ជាម្ចាស់ផ្ទះ ភេទប្រុស អាយុ ២៧ ឆ្នាំ មុខរបររត់តាក់ស៊ី ស្នាក់នៅផ្ទះកើតហេតុ បានបាត់បង់ជីវិត ខណៈប្រពន្ធឈ្មោះ ស្រីពេជ្រ រងរបួសធ្ងន់ និងបានដាច់ខ្យល់ស្លាប់នៅមន្ទីរពេទ្យព្រឹកមិញនេះ។ ចំណែក សពបុរសម្នាក់ទៀត មានឈ្មោះ ឡូវ ឆាយហុង ភេទប្រុស អាយុ ២៦ ឆ្នាំ ស្នាក់នៅផ្ទះលេខ ៦១ ផ្លូវបេីកថ្មី ភូមិ ៤ សង្កាត់ទំនប់ទឹក ខណ្ឌបឹងកេងកង ក៏បានបាត់បង់ជីវិតកន្លែងកើតហេតុដូចគ្នា រីឯស្ត្រីជាដៃគូម្នាក់ទៀត នៅមិនទាន់ស្គាល់អត្តសញ្ញាណ កំពុងសង្គ្រោះនៅមន្ទីរពេទ្យ។
ក្រោយកើតហេតុ សមត្ថកិច្ចនៃស្នងការដ្ឋាននគរបាលរាជធានីភ្នំពេញ បានចុះហ៊ុមព័ទ្ធ ទីតាំងខាងលើ សួរនាំព័ត៌មាន និងស្រាវជ្រាវ រកឃើញមានម៉្សៅសមួយកញ្ចប់ ហើយក្នុងរថយន្ត ក៏មានបំពាក់ធុងបាស់បំពងសំឡេងផងដែរ៕
ប្រភព ៖ សារព័ត៌មានហង្សតូច
