ចាក់ឱ្យពេញៗទៅ! ថ្លៃសាំងធ្លាក់ថ្លៃជាង ៥០០ រៀល ឯម៉ាស៊ូតចុះថ្លៃ ៦០០ រៀល

នៅថ្ងៃទី  ១១ ខែកក្កដា ឆ្នាំ ២០២២ នេះ ក្រសួងពាណិជ្ជកម្ម បានចេញសេចក្ដីជូនដំណឹងពីថ្លៃលក់ប្រេងឥន្ធនៈ នៅតាមស្ថានីយសម្រាប់លក់រាយ ចាប់ពីថ្ងៃទី ១១ ដល់ថ្ងៃទី ២០ ខែកក្កដា ឆ្នាំ ២០២២ ដែលតាមសេចក្ដីប្រកាសព័ត៌មាន បានឱ្យដឹងថា តម្លៃប្រេងសាំងធម្មតានៅក្នុងសប្ដាហ៍នេះ ១ លីត្រ តម្លៃ ៥២៥០ រៀល។ ចំណែកឯ ប្រេងម៉ាស៊ូតវិញ នៅក្នុងសប្ដាហ៍នេះមានតម្លៃ ៥៦០០ រៀល ក្នុង ១ លីត្រ។

បើធៀបទៅនឹងសប្ដាហ៍មុន យើងឃើញថាតម្លៃប្រេងសាំងធម្មតានៅសប្ដាហ៍នេះ មានតម្លៃធូរថ្លៃជាងសប្ដាហ៍មុន ដល់ទៅ ៥៥០ រៀល ដោយតម្លៃសាំងធម្មតា កាលពីសប្ដាហ៍មុនមានតម្លៃដល់ទៅ ៥៨០០ រៀល ក្នុងមួយលីត្រ។ ដោយឡែក ចំណែកឯតម្លៃប្រេងម៉ាស៊ូតវិញ មានការចុះថ្លៃចំនួន ៦០០ រៀល ផងដែរ ដែលកាលពីសប្ដាហ៍មុន ថ្លៃប្រេងម៉ាស៊ូត មានតម្លៃដល់ទៅ ៦២០០ រៀល ក្នុង ១ លីត្រ៕

ដើម្បីជ្រាបកាន់តែច្បាស់ សូមអានសេចក្តីលម្អិតខាងក្រោម ៖