អស្ចារ្យណាស់! Nasa បង្ហាញរូបភាព ជាប់ផែនទីកម្ពុជា ថតចេញពីលំហអវកាស កម្របានឃើញបំផុត

ជារឿងដ៏គួរឱ្យចាប់អារម្មណ៍ និងភ្ញាក់ផ្អើលបំផុត នៅថ្ងៃទី ១៤ ខែសីហា ឆ្នាំ ២០២២ កន្លងទៅ តាមរយៈ Nasa Earth បានបង្ហាញពីរូបភាពថតជាប់ដែនដីកម្ពុជា និងប្រទេសជិតខាង ថតចេញពីលំហអវកាស តាមរយៈស្ថានីយ៍អវកាសអន្តរជាតិ (ISS)។

ទាក់ទិនទៅនឹងរឿងនេះ តាមរយៈ Nasa Earth បានបង្ហាញពីរូបភាព ព្រមទាំងបានបញ្ជាក់ឱ្យដឹងថា តំបន់ដីសើមនៃភាគខាងត្បូងប្រទេសកម្ពុជា ត្រូវបានបំភ្លឺដោយពន្លឺព្រះអាទិត្យ នៅក្នុងរូបថតបែប Panoramic ដែលបានថតដោយអវកាសយានិក មកពីស្ថានីយ៍អវកាសអន្តរជាតិ។

តាមរយៈរូបភាព ក៏បានថតជាប់តំបន់ដ៏ធំនៃអាស៊ីអាគ្នេយ៍ ដែលរួមមានទាំងឡាវ ថៃ ភូមា និងម៉ាឡេស៊ី ដែលបំពេញទិដ្ឋភាព នៅភាគខាងត្បូង ខណៈដែនដីប្រទេសវៀតណាម ភាគច្រើនត្រូវបានបិទបាំងដោយពពកនៅគែមខាងត្បូង និងខាងកើតនៃឧបទ្វីប៕