ក្ដៅៗ! មានករណីលិចទូកដ ១ គ្រឿង នៅស្រុកលើកដែក បាត់ខ្លួនសិស្សសាលាប្រមាណ ១០ នាក់

ជារឿងដ៏គួរឱ្យរន្ធត់ និង ភ្ញាក់ផ្អើលបំផុត នៅយប់ថ្ងៃទី ១៣ ខែតុលា ឆ្នាំ ២០២២ នេះ មានករណីលិចទូកដរដឹកសិស្សសាលាមួយគ្រឿង នៅក្នុងភូមិកោះចំរើន ឃុំកំពង់ភ្នំ ស្រុកលើកដែក ខេត្តកណ្ដាល បណ្ដាលឱ្យមនុស្សប្រមាណចំនួន ១០ នាក់ បានបាត់ខ្លួន និង រកឃើញភ្លាមៗចំនួន ៣ នាក់ ស្លាប់ម្នាក់ និង ផ្សេងទៀតសមត្ថកិច្ចកំពុងដុតដៃដុតជើងរាវរក។

ទាក់ទិនទៅនឹងហេតុការណ៍ដ៏រន្ធត់នេះ អធិការនគរបាលស្រុកលើកដែក លោក អាំ ធូ បានប្រាប់សារព័ត៌មានក្នុងស្រុក Fresh News ប្រចាំខេត្តកណ្ដាលឱ្យបានដឹងថា ករណីលិចទូកដរនេះ បណ្ដាលឱ្យសិស្សសាលាចំនួន ១០ នាក់ ប៉ុន្ដែមនុស្ស ៣ នាក់បានសង្គ្រោះ (ស្លាប់ម្នាក់) និង ប៉ុន្មាននាក់ផ្សេងទៀត កម្លាំងសមត្ថកិច្ចជាច្រើននាក់កំពុងរាវរក។

ចំពោះរឿងនេះទៀតសោត សមត្ថកិច្ចពុំទាន់បានបញ្ជាក់ពីមូលហេតុច្បាស់លាស់ ដែលបណ្ដាលឱ្យទូកដរខាងលើលិចនោះទេ ខណៈក្រុមការងារកំពុងមមាញឹកជាខ្លាំង ក្នុងការសង្គ្រោះ និងរាវរកជនរងគ្រោះដែលបានបាត់ខ្លួន នៅក្នុងហេតុការណ៍ខាងលើ៕

ប្រភព ៖ Fresh News