(វីដេអូ) មកស្ដាប់សម្ដីព្រូទូក រៀបរាប់ស្ថានភាពអ្នកបើកទូក និង ហេតុការណ៍ខ្លះៗលើទូក កាលពីយប់មិញ

ក្នុងហេតុការលិចទូកដដ៏រន្ធត់ និង គួរឱ្យសោកសៅ កាលពីយប់ថ្ងៃទី ១៣ ខែតុលា ឆ្នាំ ២០២២ កន្លងទៅ មហាជនទូទាំងប្រទេសកម្ពុជា បាននាំគ្នាសម្ដែងនូវក្ដីរំលែកទុក្ខយ៉ាងសោកសៅ ជូនដល់ក្រុមគ្រួសារជនរងគ្រោះ ដែលជួបប្រទះនូវរឿងអកុសលស្មានមិនដល់ខាងលើនេះ។

ចំពោះហេតុការខាងលើ ក្រោយពីបានជ្រាបពីដំណឹងរបស់ជនរងគ្រោះ ដែលភាគច្រើនជាសិស្សសាលានោះ មហាជនក៏បានផ្ទុះការងឿងឆ្ងល់អំពីស្ថានភាព និង ចង់ដឹងអំពីអ្នកបើកទូក ដែលពុំមានដំណឹងសោះចំពោះហេតុការណ៍នេះ។

ទាក់ទិនរឿងនេះ តាមរយៈព្រូទូក ដែលស្ថិតនៅក្នុងហេតុការគ្រោះថ្នាក់ខាងលើ បានរៀបរាប់នៅថ្ងៃទី ១៤ ខែតុលា ​ឆ្នាំ ២០២២ នេះឱ្យបានដឹងថា នៅលើទូកមានមនុស្សចាស់តែ ០២ នាក់គត់ ដែលក្រៅពីនោះសុទ្ធតែជាសិស្សសាលា។ លោកបានបន្តទៀតថា ក្រោយកើតហេតុ តៃកុងអ្នកបើកទូកបាននៅជួយកូនក្មេងៗរហូតដល់អស់កម្លាំងរលីង រហូតទន់ទាំងខ្លួនឯង ឈ្លក់ទឹកស្លេកស្លាំង ហើយបច្ចុប្បន្នពុំដឹងសង្គ្រោះបន្ទាន់ដល់ទីណា។

បន្ថែមលើសពីនេះ បុរសដែលជាព្រូទូកខាងលើបានបញ្ចាក់ជុំវិញហេតុការណ៍កាលពីយប់ម្សិលមិញថា ដំបូងឡើយក្មេងៗនៅខាងមុខទូកលេងទឹក សាចដាក់គ្នា ពុំព្រមទៅក្រោយឡើយ លុះក្បាលទូកចាប់ផ្ដើមពាប់មុខ ទឹកច្រាលចូល ទើបក្មេងៗភ័យរត់មកខាងត្បូងទាំងអស់គ្នា បណ្ដាលឱ្យក្រឡាប់តែម្ដង៕

សូមទស្សនាវីដេអូនៅខាងក្រោម ៖