ច្បាស់ការហើយ! Jungkook នឹងក្លាយជាតារាកូរ៉េទីមួយ ទៅច្រៀងបើកព្រឹត្តការណ៍ FIFA WORLD CUP 2022 នៅកាតា
ធ្មេចបើកៗ ព្រឹត្តិការណ៍កីឡាបាល់ទាត់ដ៏ធំអស្ចារ្យ FIFA WORLD CUP 2022 ក៏កាន់តែរំកិលមកដល់ទៅហើយ ដោយព្រឹត្តិការណ៍មួយនេះនឹងប្រព្រឹត្តទៅនៅថ្ងៃទី ២០ ខែវិច្ឆិកា ឆ្នាំ ២០២២ ខាងមុខនេះ នាកីឡដ្ឋានជាតិ Al Bayt ប្រទេសកាតា។
យ៉ាងណាមិញ ជាមួយគ្នានេះដែរសម្រាប់តារាកិត្តិយសដែលគេនឹងអញ្ជើញមកសម្តែងបើកព្រឹត្តិការណ៍នេះវិញ គឺជាតារាប្រុសរូបស្រស់ Jungkook សមាជិកក្រុមល្បី BTS ដែលមានប្រជាប្រិយភាពខ្លាំងស្ទើរជុំវិញពិភពលោក។
ក្នុងនោះនៅថ្ងៃទី ១២ ខែវិច្ឆិកា ឆ្នាំ ២០២២ កន្លងទៅនេះ ខាងក្រុមហ៊ុនផលិតកម្ម Big Hit បានបញ្ជាក់រួចហើយថា Jungkook នឹងទៅសម្តែងជាអ្នកតំណាងឱ្យក្រុម BTS ផ្ទាល់ មិនបានទៅទាំងអស់គ្នាទាំងក្រុម ដូចជាចចាមអារ៉ាមកាលពីឆ្នាំមុននោះទេ។
យ៉ាងណាមិញ សម្រាប់ការសម្តែងនោះ ព័ត៌មានក៏បានឱ្យដឹងដែរថា Jungkook នឹងសម្តែងចម្រៀង Soundtrack របស់ FIFA WORLD CUP 2022 ដែលរូបលោកបានធ្វើដំណើរទៅប្រទេសកាតា កាលពីខែតុលា ឆ្នាំ ២០២២ កន្លងទៅនេះ ដើម្បីថតសម្តែងត្រៀមរួចរាល់។
គួរឱ្យដឹងដែរថា Jungkook ក៏នឹងក្លាយជាតារាកូរ៉េទីមួយដែលបានឡើងសម្តែងបើកព្រឹត្តការណ៍ FIFA លើកនេះផងដែរ ដែលពិតជាធ្វើឱ្យមហាជនអ្នកគាំទ្ររំភើបរំជើបរំជួលមិនតិចឡើយ ហើយម្នាក់ៗក៏រង់ចាំមើលតារាសំណព្វចិត្តបញ្ចេញសមត្ថភាព ក៏ដូចជាជះសម្រស់ដ៏សង្ហានៅក្នុងព្រឹត្តការណ៍នេះដូចគ្នា៕
