គួរឱ្យអាណិត! សត្វកែះញីដែលជាប់អន្ទាក់ព្រានព្រៃ ធ្វើឱ្យរ…លូ-.តកូនង-ា..ប់ក្នុងពោះ បានអស់ជីវិតហើយ

ក្រសួងបរិស្ថានបានធ្វើការបង្ហោះសារលើហ្វ៊េសបុកផេកកាលពីថ្ងៃទី ៣០ ខែវិច្ឆិកា ឆ្នាំ ២០២២ កន្លងទៅថា គួរឱ្យសោកស្ដាយជាទីបំផុតដែលសត្វកែះញីមួយក្បាលបានជាប់អន្ទាក់ និង រងរបួសបានងាប់ហើយ ក្រោយពីក្រុមគ្រូពេទ្យខិតខំប្រឹងប្រែងសង្រ្គោះអស់លទ្ធភាពជាច្រើនថ្ងៃ។

សត្វកែះនេះ ត្រូវបានបសុសត្វបញ្ជាក់ថាវាងាប់ដោយសារតែវារងរបួសធ្ងន់ធ្ងរ ព្រោះតែជាប់អន្ទាក់ព្រានព្រៃដេញវាយជាំពោះផ្នែកខាងឆ្វេង និង ភ្លាត់ឆ្អឹងជើងមុខខាងឆ្វេង ហើយលើសពីនេះទៅទៀតវាមានសុខភាពខ្សោយដោយសារតែការរលូតកូនងាប់ក្នុងផ្ទៃ ព្រមទាំងរបួសស្បូនខ្លាំងឡើងរលួយ។

គួរបញ្ជាក់ដែរថា ក្នុងរយៈពេលប៉ុន្មានថ្ងៃនេះ ក្រុមគ្រូពេទ្យបានខិតខំសង្រ្គោះ ប៉ុន្តែស្ថានភាពរបួសធ្ងន់ និង មានភាពគ្រាំគ្រាខ្លាំងមិនអាចឈរបាន ទើបធ្វើឱ្យប្រភេទសត្វកម្រនៅលើសកលលោកមួយក្បាលនេះបានបាត់បង់ជីវិត៕

រូបភាពដោយ៖ ក្រសួងបរិស្ថាន