ដំណឹងល្អ! អ្នកចង់ធ្វើការនៅរដ្ឋាករទឹក ដាក់ពាក្យវឹងៗទៅ មានប្រកាសរើសបេក្ខជនច្រើនរូបតាមតំណែង

កាលពីថ្មីៗនេះ រដ្ឋករទឹកស្វយ័តក្រុងភ្នំពេញបានប្រកាសជូនដំណឹងស្ដីពីការប្រឡងជ្រើសរើស បេក្ខជន និង បេក្ខនារី ឱ្យចូលបម្រើការងារនៅក្នុងក្របខណ្ឌរដ្ឋាករទឹកស្វយ័តក្រុងភ្នំពេញ ចំនួន ៨ រូបសម្រាប់ឆ្នាំ ២០២២។

សម្រាប់ការជ្រើសរើសនេះដែរ គឺមាន ៥ ផ្នែកដូចជា ផ្នែកបៀវត្សរ៍ពលកម្មចំនួន ១ រូប, ផ្នែករដ្ឋបាល ១ រូប, ផ្នែកថែសួន និង អនាម័យ ២ រូប, ខាងវាស់ស្ទង់ដាក់បំពង់មេនាំទឹក និង គូសប្លង់ As-build Drawing ៣ រូប និង ផ្នែកមេជាងដាក់បំពង់មេ ចំនួន ១ រូប។

ដោយឡែក សម្រាប់លក្ខខណ្ឌជ្រើសរើសគឺត្រូវតែមានសញ្ជាតិខ្មែរ អាយុយ៉ាងតិច ១៨ ឆ្នាំដល់ ៣៥ ឆ្នាំ ហើយមានលំនៅដ្ឋានអចិន្រ្តៃយ៍នៅរាជធានី និង ខេត្ត។ គួរបញ្ជាក់ដែរថា កាលបរិច្ឆេទទទួលពាក្យគឺចាប់ពីថ្ងៃផ្សាយដំណឹងរហូតដល់ថ្ងៃទី ១៦ ខែធ្នូ ឆ្នាំ ២០២២ ត្រឹមម៉ោង ១៦:០០ នាទី។

សូមអានព័ត៌មានលម្អិតក្នុងសេចក្ដីជូនដំណឹងដែលមានភ្ជាប់ជូនខាងក្រោម៖