គិតអ៊ីចឹងទេ? នេះជាក្រុមដែលកុមារទេព Kamaludin ទាយថាឡើងទៅវគ្គ ៤ ក្រុមចុងក្រោយ

កាលពីពេលកន្លងទៅថ្មីៗនេះ កុមារាជនជាតិថៃ Kamaludin តែងទស្សន៍ទាយគ្រាប់ក្នុងព្រឹត្តិការណ៍បាល់ទាត់ពិភពលោក ​FIFA World Cup យ៉ាងឆុត រហូតទទួលបានរហស្សនាមពីសំណាក់អ្នកចូលចិត្តទស្សនាកីឡាបាល់ទាត់ថា ជាកុមារទេពទៀតផង។

ឈានចូលដល់វគ្គ ៨ ក្រុមចុងក្រោយ ក្មេងប្រុសខាងលើ បានទស្សន៍ទាយក្រុមដែលឡើងទៅវគ្គ ៤ ក្រុមចុងក្រោយ ក្នុងព្រឹត្តិការណ៍បាល់ទាត់ FIFA World Cup ដែលមានដូចជា អាហ្សង់ទីន ប្រេស៊ីល អង់គ្លេស និង អេស្ប៉ាញ (ខណៈអេស្ប៉ាញបានធ្លាក់ចេញនៅវគ្ក ១៦ ក្រុមចុងក្រោយ)។

គួរឱ្យដឹងផងដែរថា នៅវគ្គ ១៦ ក្រុមចុងក្រោយ កុមារទេព Kamaludin បានទស្សន៍ទាយ យកក្រុមចំនួន ៨ ដែលនឹងឡើងទៅវគ្គ ៨ ក្រុមចុងក្រោយ ដោយត្រូវ ៦ និង ខុសតែ ២ ប៉ុណ្ណោះ ដែលក្រុមត្រូវមានដូចជា ហូឡង់ អាហ្សង់ទីន អង់គ្លេស បារាំង ប្រេស៊ីល និង ព័រទុយហ្គាល់ រីឯ ក្រុមដែលខុសមាន ជប៉ុន និង អេស្ប៉ាញ៕