ថ្មីៗនេះ លោកគ្រូ ឡុង ចិនសែ ដែលគេស្គាល់ថាជាចិនសែមួយរូបនៅកម្ពុជា បានចែករំលែកនូវឆ្នាំដែលត្រូវឆុងក្នុងឆ្នាំ ២០២៣ នេះ ដែលមានដូចជា ឆ្នាំរកា ឆ្នាំរោង ឆ្នាំមមី ឆ្នាំជូត ព្រមទាំងឆ្នាំថោះផងដែរ។
ទន្ទឹមនោះ លោកគ្រូបានមើលរាសីអ្នកកើតឆ្នាំជូត ក្នុងឆ្នាំ ២០២៣ ដែលជាឆ្នាំឆុងនោះ ដោយលោកគ្រូបានបញ្ជាក់ឱ្យដឹងថា ក្នុងឆ្នាំ ២០២៣ នេះ បុគ្គលឆ្នាំជូតដែលនៅលីវនឹងអាចជួបគូស្នេហ៍ ជួបគូគ្រង ហើយឈានទៅរកអាពាហ៍ពិពាហ៍ទៀតផង។
ទន្ទឹមនឹងបានជួបគូស្នេហ៍នេះ បុគ្គលឆ្នាំជូត ក៏នឹងមានរឿងសៅហ្មង មានរឿងជំពាក់ជំពិន និង មានរឿងរញ៉េរញ៉ៃ ពាក់ព័ន្ធជាមួយស្នេហា អាចកើតទៅជារឿងស្រីប្រកាន់ប្រុសប្រកែក ដោយសារតែបុគ្គលឆ្នាំជូតមានមន្តស្នេហ៍ទាក់ទាញខ្លាំង។
លោកគ្រូបានបន្តតាមរយៈវីដេអូប្រមាណជិត ០៨ នាទីឱ្យដឹងទៀតថា នៅឆ្នាំ ២០២៣ នេះ បុគ្គលឆ្នាំជូត ក៏នឹងបានមានពេលវេលាធ្វើដំណើរកម្សាន្តទៅទីកន្លែងផ្សេងៗដែលខ្លួនចង់ទៅ ហើយក្នុងឆ្នាំ ២០២៣ ក៏មានរឿងល្អមួយទៀតគឺនឹងមានអាជីពការងារថ្មីដែលសមនឹងខ្លួនប្រាថ្នាចង់បាន។
យ៉ាងណាមិញ ទន្ទឹមនេះរឿងដែលមិនល្អក៏មានកើតឡើងដែរ នៅក្នុងរង្វង់ក្រុមគ្រួសារ បុគ្គលឆ្នាំជូតនឹងមានហេតុផលរឿងឈ្លោះប្រកែក ប្រជែង ប្រចាំច្រណែនគ្នានៅក្នុងរង្វង់គ្រួសារ នាំឱ្យកើតទៅជារឿងដណ្ដើមកេរ្តិ៍ ទ្រព្យសម្បត្តិ រហូតអាចមានក្ដីក្ដាំឡើងទៅដល់តុលាការទៀតផង៕
សូមទស្សនាវីដេអូនៅខាងក្រោមនេះ ៖
