អ្នកឆុងឆ្នាំថ្មីត្រូវដឹង! អ្នកគ្រូ ណាលី ទម្លាយថានៅថ្ងៃទី ២៣ ល្អបំផុតសម្រាប់កាត់ឆុង ហើយធ្វើនៅចន្លោះម៉ោងនេះ

នៅថ្ងៃទី ២០ ខែធ្នូ ឆ្នាំ ២០២២ នេះ អ្នកគ្រូ ហុងស៊ុយ ណាលី បានបញ្ជាក់ពីថ្ងៃល្អសម្រាប់កាត់ឆុង នៅក្នុងឆ្នាំ​ ២០២៣ ដែលនឹងកៀកខិតជិតមកដល់នាពេលខាងមុខនេះ។

អ្នកគ្រូបានរៀបរាប់បញ្ជាក់ឱ្យបានដឹងថា ថ្ងៃល្អសម្រាប់កាត់ឆុងអ្នកមានរាសីឆុងក្នុងឆ្នាំ ២០២៣ ខាងមុខនេះ គឺអាចកាត់ឆុងបានល្អ ក្នុងថ្ងៃទី ២៣ ខែធ្នូ ឆ្នាំ ២០២២ ម៉ោង ១៩:៣០-២១:០០។ អ្នកគ្រូបានបន្តឱ្យដឹងទៀតថា រាសីដែលឆុងនៅក្នុងឆ្នាំនេះ មានរកា ឆុង 100% ជូត រោង មមី ឆុង 50% និង ឆ្នាំថោះជាន់ឆ្នាំ។

គួររំឭកផងដែរថា អ្នកគ្រូហុងស៊ុយ ណាលី កន្លងមកត្រូវបានមហាជនខ្មែរស្គាល់ថា ជាគ្រូហុងស៊ុយបែបវិទ្យាសាស្ត្រមួយរូប ព្រមទាំងជាម្ចាស់ក្រុមហ៊ុន ម៉ាស្ទ័រ ណាលីហុងស៊ុយ ដែលមានឈ្មោះល្បីល្បាញតាមរយៈការចែករំលែកនូវចំណេះដឹងផ្នែកហុងស៊ុយបែបវិទ្យាសាស្ត្រ នៅក្នុងជីវិតរស់នៅប្រចាំថ្ងៃរបស់បងប្អូនប្រជាពលរដ្ឋ ក៏ដូចជាអ្នកមានជំនឿទៅលើរឿងនេះ៕