ចែកគ្នាដឹង! អ្នកកើតឆ្នាំ «ឆ្លូវ» ចូលឆ្នាំ ២០២៣ នឹងជួបប្រទះរឿងជាច្រើន មានទាំងគ្រោះ និង លាភ

លោកគ្រូ ឡុង ចិនសែ ដែលគេស្គាល់ថាជាចិនសែមួយរូបនៅកម្ពុជា ថ្មីៗនេះបានចែករំលែកនូវឆ្នាំដែលត្រូវឆុងក្នុងឆ្នាំ ២០២៣ ខាងមុខនេះ ដែលមានដូចជា ឆ្នាំរកា ឆ្នាំរោង ឆ្នាំមមី ឆ្នាំជូត ព្រមទាំងឆ្នាំថោះផងដែរ។

ទន្ទឹមនោះ លោកគ្រូបានមើលរាសីអ្នកកើតឆ្នាំឆ្លូវ ក្នុងឆ្នាំ ២០២៣ ខាងមុខនេះ ដោយលោកគ្រូបានបញ្ជាក់ឱ្យដឹងថា ក្នុងឆ្នាំ ២០២៣ ខាងមុខ បុគ្គលឆ្នាំឆ្លូវមានឱកាសបានល្បីល្បាញ ហើយបើសិនជាអ្នកធ្វើការមន្ត្រីរាជការ ឬ ការងារក្រុមហ៊ុនស្ថាប័នផ្សេងៗ នឹងមានឱកាសបានឡើងបុណ្យស័ក្តិ មានមុខតំណែងខ្ពស់ ហើយប្រាក់ខែក៏ច្រើន តែគួរប្រយ័ត្នបន្តិចក្នុងឆ្នាំ ២០២៣ ខាងមុខនេះ ដោយសារតែមានការរំខាន មានការអំពល់កើតចេញអំពីអ្នកផ្ទះរបស់ខ្លួនឯង ដែលអ្នកផ្ទះមានវ័យចាស់ជរា ហើយក៏ជាបន្ទុកដែលមានអ្នកផ្ទះឈឺ នាំឱ្យខាតពេលវេលា បង់ទាំងលុយ នាំឱ្យអំពល់ចិត្តគិតអ្វីធ្វើអ្វីទៅតែងតែប្រទង់ប្រទាញ។

លោកគ្រូបានបន្តឱ្យដឹងថា នៅក្នុងឆ្នាំ ២០២៣ នេះ រាសីអ្នកឆ្នាំឆ្លូវឡើងខ្លាំង ខាងផ្នែករាសីជោគលាភ ប៉ុន្តែបើសិនជាមានដំណើរកម្សាន្តទៅទីជិតទីឆ្ងាយ ត្រូវប្រយ័ត្នខ្លួនឯងបន្តិចដោយសារតែបុគ្គលឆ្នាំឆ្លូវ នឹងអាចជួបគ្រោះដូចជាទឹកជំនន់ រញ្ជួយដី បាក់ដី បាក់ភ្នំ នាំឱ្យគ្រោះថ្នាក់ទៅដល់រូបរាងកាយ នៅក្នុងឆ្នាំ ២០២៣ ហើយក៏អាចឆ្លងជំងឺផងដែរ៕

សូមទស្សនាវីដេអូនៅខាងក្រោម ៖