ឆ្នាំ ២០២៣ អ្នកឆ្នាំ «រោង» ឆុងឆ្នាំ ប្រយ័ត្នបំផុត អាចជួបមនុស្សមិនល្អ មានចិត្តច្រណែនឈ្នានីស

លោកគ្រូ ឡុង ចិនសែ ដែលគេស្គាល់ថាជាចិនសែមួយរូបនៅកម្ពុជា នាពេលថ្មីៗនេះបានចែករំលែកនូវឆ្នាំដែលត្រូវឆុងក្នុងឆ្នាំ ២០២៣ ខាងមុខនេះ ដែលមានដូចជា ឆ្នាំរកា ឆ្នាំរោង ឆ្នាំមមី ឆ្នាំជូត ព្រមទាំងឆ្នាំថោះផងដែរ។

ទន្ទឹមនោះ លោកគ្រូបានមើលរាសីអ្នកកើតឆ្នាំរោង ដែលជាឆ្នាំឆុង ក្នុងឆ្នាំ ២០២៣ ខាងមុខនេះ ដោយលោកគ្រូបានបញ្ជាក់ឱ្យដឹងថា ក្នុងឆ្នាំ ២០២៣ ខាងមុខ បុគ្គលឆ្នាំរោងអាចនឹងជួបនូវគ្រោះវិបត្តិដោយមិននឹកស្មានដល់ ដោយបុគ្គលឆ្នាំរោងអាចនឹងទៅជួបមនុស្សមិនល្អ មានចិត្តច្រណែនឈ្នានីស ចង់បានទ្រព្យរបស់អ្នក កើតទៅជាអំពើមកលួចអ្នក បំពានអ្នក រហូតដល់ប្លន់យកទ្រព្យ តួនាទី ការងាររបស់អ្នក។

លោកគ្រូបានបន្តឱ្យដឹងទៀតថា នៅក្នុងឆ្នាំ ២០២៣ បុគ្គលឆ្នាំរោងក៏នឹងមានការប្រកួតប្រជែងជាមួយនឹងក្រុមហ៊ុនផ្សេងៗ ជាមួយដៃគូសហការផ្សេងៗ ជាមួយនឹងមុខរបរអាជីពដូចគ្នា មានការប្រកួតប្រជែងខ្លាំង ហើយមានបុគ្គលិកដែលធ្វើការជាមួយ មិនសូវស្ដាប់បង្គាប់ ធ្វើការដើម្បីតែផលប្រយោជន៍របស់គេ៕

សូមទស្សនាវីដេអូនៅខាងក្រោម ៖