ផ្អើលឆោឡោពេញភូមិ! ចោររោគចិត្ត ជិះម៉ូតូមកលួចខោក្នុងអាវក្នុងរបស់យាយអាយុ ៧៩ ឆ្នាំទាំងកណ្តាលថ្ងៃ

ថ្មីៗនេះ មានរឿងរ៉ាវមួយ ធ្វើឱ្យមហាជនហួសចិត្តជាខ្លាំង​ ដែលមានចោររោគចិត្តម្នាក់ ជិះម៉ូតូមកលួចខោក្នុងអាវក្នុងរបស់យាយវ័យ ៧៩ ទាំងកណ្តាលថ្ងៃ ឱ្យយាយផ្អើលឆោឡោ។

រឿងរ៉ាវមួយនេះ បានកើតឡើងខេត្តឈុនបុរី ប្រទេសថៃ។ បើតាមកាមេរ៉ាសុវត្ថិភាពដែលនៅក្បែរនោះ បានបង្ហាញឱ្យឃើញថា​ មានមនុស្សប្រុសម្នាក់ ជិះម៉ូតូមកចតនៅកន្លែងហាលខោអាវ ដែលនៅខាងមុខផ្ទះលោកយាយ ហើយនៅសុខៗក៏បានកញ្ឆក់ខោក្នុងអាវក្នុងរបស់យាយ រួចក៏ជិះម៉ូតូគេចទៅយ៉ាងលឿន។

យ៉ាងណាមិញ លោកយាយបានឱ្យដឹងថា ក្រោយពីកើតហេតុនេះមក ខ្លួនពិតជាខ្លាចខ្លាំងណាស់ ដល់ថ្នាក់បិទទ្វារចាក់សោរផ្ទះសឹងគ្រប់កន្លែង ថែមលែងហ៊ានហាលខោអាវខាងមុខផ្ទះទៀតហើយ ដោយឡែកខាងអាជ្ញាធរ ក៏កំពុងតែស៊ើបសួររកមុខចោររោគចិត្តរូបនេះ មកចាត់ការតាមផ្លូវច្បាប់ផងដែរ៕