អីយ៉ាស់! Elon Musk ហ្វឹកហាត់ Jiu Jitsu យ៉ាងស្វិតស្វាញ ដើម្បីត្រៀមខ្លួនប្រកួតជាមួយ Mark Zuckerberg

អត្ថបទដោយ៖ Pandaa មិថុនា ២៩, ២០២៣

សារព័ត៌មាន Daily Mail នៅថ្ងៃទី ២៨ ខែមិថុនា ឆ្នាំ ២០២៣ បានចុះផ្សាយថា មហាសេដ្ឋី Elon Musk កំពុងតែហ្វឹកហាត់ជាមួយជនជាតិប្រេស៊ីល ដែលជាម្ចាស់ខ្សែក្រវាត់ខ្មៅ Jiu Jitsu ។

តាមប្រភពបានឱ្យដឹងថា មហាសេដ្ឋីលំដាប់ទី ១ ពិភពលោក លោក Elon Musk ត្រូវបានគេថតជាប់ពេលកំពុងហ្វឹកហាត់ជាមួយនឹងម្ចាស់ខ្សែក្រវាត់ខ្មៅ កីឡា Jiu Jitsu របស់ប្រេស៊ីល ដើម្បីប្រកួតជាមួយនឹងស្ថាបនិកក្រុមហ៊ុន Meta លោក Mark Zuckerberg ។ លោក Lex Fridman ដែលធ្លាប់ហ្វឹកហាត់ជាមួយនឹង Mark Zuckerberg បាននិយាយថា លោកមានការចាប់អារម្មណ៍ជាខ្លាំង ចំពោះសមត្ថភាពរបស់លោក Musk ។

គួរដឹងដែរថា លោក Musk កាលពីសប្ដាហ៍មុន បានបបួលលោក Zuckerberg ដោយសារតែ មហាសេដ្ឋី Elon Musk បានឆ្លើយតបទៅនឹងព័ត៌មានមួយ ដែលបានចុះផ្សាយថា ៖ «Facebook គ្រោងវិវឌ្ឍន៍ខ្លួនទៅមុខ ដើម្បីជាដៃគូប្រកួតប្រជែងរបស់ Twitter» ទើប Elon Musk សរសេរថា ៖ «ខ្ញុំត្រៀមរួចរាល់ក្នុងការប្រដាល់ក្នុងទ្រុង បើសិនជា Mark ព្រម»។ ក្រោយមក លោក Mark Zuckerberg ក៏បានឆ្លើយតបវិញ ដោយឱ្យ Musk ទម្លាក់ទីតាំងប្រកួត។

គួរបញ្ជាក់ដែរថា លោក Mark Zuckerberg ដែលជាដៃគូប្រកួត ក៏ធ្លាប់ចូលរួមប្រកួតកីឡាការ៉ាតេ Kyokushin តេក្វាន់ដូ យូដូ និង jiu-jitsu ប្រេស៊ីលដែរ ដោយលោកបានបង្ហាញរូបភាពជាច្រើននៅក្នុងកម្មវិធីផ្សាយផ្ទាល់មួយរបស់ Joe Rogan ៕

ប្រភព ៖ Daily Mail

មហោស្រពសិល្បៈ «បុណ្យភូមិមានជើង» ចាប់ផ្តើមហើយ ៣ ថ្ងៃនេះ នឹងរៀបចំនៅតំបន់សំខាន់ៗ ២

ក្ដៅៗ! ជនត្រូវចោទ ២ រូបនៅតាកែវ ពាក់ព័ន្ធករណីចាក់ថ្នាំខុសបណ្ដាលឱ្យអ្នកជំងឺស្ល-ា./ប់ ត្រូវចោទប្រកាន់ ៤

លាភក្នុងគ្រោះ! យុវជនដែលបាត់ម៉ូតូ ថ្ងៃទទួលសញ្ញាបត្រ ត្រូវឯកឧត្តម ស សុខា ឧបត្ថម្ភម៉ូតូថ្មី