![មិនពិបាកទេ! សមាជិក ប.ស.ស ចង់ស្នើសុំប្រាក់ចូលនិវត្តន៍ កាន់តែឯកសារ ៤ មុខនេះជាការស្រេច](https://www.popular.com.kh/wp-content/uploads/2024/06/BeBe-25-06-24-04.jpg)
មិនពិបាកទេ! សមាជិក ប.ស.ស ចង់ស្នើសុំប្រាក់ចូលនិវត្តន៍ កាន់តែឯកសារ ៤ មុខនេះជាការស្រេច
ប្រជាពលរដ្ឋដែលជាសមាជិក ប.ស.ស ចង់ដាក់ពាក្យស្នើសុំប្រាក់សោធនជរាភាព ឬហៅថា ប្រាក់ចូលនិវត្តន៍ ឬប្រាក់រ៉ឺត្រែត មិនបាច់ឈឺក្បាលខ្លាចមិនទទួលបានអត្ថប្រយោជន៍ដ៏ធំនេះទៀតទេ ព្រោះថាពេលនេះទំព័រហ្វេសប៊ុកផេកផ្លូវការរបស់ បេឡាជាតិសន្តិសុខសង្គម បានប្រាប់ពីឯកសារសំខាន់ៗមួយចំនួនដែលត្រូវភ្ជាប់មកជាមួយ។
បេឡាជាតិសន្តិសុខសង្គម បានឱ្យដឹងថា ដើម្បីអាចស្នើសុំប្រាក់សោធនជរាភាព (ប្រាក់ចូលនិវត្តន៍ ឬប្រាក់រ៉ឺត្រែត) សមាជិក ប.ស.ស. ត្រូវភ្ជាប់ឯកសារសំខាន់ៗដូចខាងក្រោម ៖
👉 ១- ប័ណ្ណសមាជិក ប.ស.ស. ច្បាប់ដើម
👉 ២- អត្តសញ្ញាណប័ណ្ណសញ្ជាតិខ្មែរច្បាប់ដើម (មានសុពលភាព) ឬលិខិតឆ្លងដែន (ជនបរទេស)
👉 ៣- សេចក្តីចម្លងសំបុត្រអាពាហ៍ពិពាហ៍ និងសំបុត្រកំណើតកូន (បើមានកូន)
👉 ៤- លេខគណនីធនាគារអេស៊ីលីដា (មិនមែនលេខអេស៊ីលីដាទាន់ចិត្ត) ឬលេខគណនីធនាគារ កាណាឌីយ៉ា
សូមកត់ចំណាំ៖ សមាជិក ប.ស.ស. ដែលមានសិទ្ធិទទួលបានប្រាក់សោធនជរាភាព (ប្រាក់ចូលនិវត្តន៍ ឬប្រាក់រ៉ឺត្រែត) គឺត្រូវបំពេញលក្ខខណ្ឌកំណត់មួយចំនួនដូចខាងក្រោម ៖
១- បានចុះបញ្ជីនៅ ប.ស.ស. ផ្នែកប្រាក់សោធន
២- បានបង់ភាគទានមក ប.ស.ស. បានយ៉ាងតិច ១២ខែ
៣- មានអាយុយ៉ាងតិច ៦០ឆ្នាំ
សម្រាប់ព័ត៌មានបន្ថែម សូមអញ្ជើញមកទីស្នាក់ការ ប.ស.ស. ដែលនៅជិតលោកអ្នកទូទាំងប្រទេស ឬទំនាក់ទំនងមកកាន់លេខ ១២៨៦ ឬ ១២៩៧ ឬតាមរយៈប្រព័ន្ធផ្សព្វផ្សាយបណ្ដាញសង្គមរបស់ ប.ស.ស ជាដើម៕