អាប់ឌែត CV លឿនៗ! ស្អែកនេះ ក្រុមហ៊ុនធំៗ ៧ រើសបុគ្គលិក ២៧៤ កន្លែង អត់បទពិសោធក៏ដាក់ពាក្យបាន នៅទីតាំងនេះ
នៅថ្ងៃទី ១៧ ខែកញ្ញា ឆ្នាំ ២០២៤ ទីភ្នាក់ងារជាតិមុខរបរ និង ការងារ (NEA) បានជូនដំណឹងពីឱកាសការងារ ដែលក្រុមហ៊ុនធំៗ ចំនួន ៧ នឹងផ្តល់ឱកាសការងារថ្មីចំនួន ២៧៤ កន្លែង សម្រាប់យុវជន សិស្ស/និស្សិត និង អ្នកស្វែងរកការងារនៅក្នុងវេទិកាការងារ នាថ្ងៃទី ១៩ ខែកញ្ញា ឆ្នាំ២០២៤ ចាប់ពីម៉ោង ៨ ព្រឹក ដល់ ៥ ល្ងាច នៅក្នុងមជ្ឈមណ្ឌលការងាររាជធានីភ្នំពេញ ស្ថិតក្នុងបរិវេណក្រសួងការងារ និង បណ្តុះបណ្តាលវិជ្ជាជីវៈ។
វេទិកាការងារនេះផងដែរ ត្រូវបានរៀបចំឡើងដោយទីភ្នាក់ងារជាតិមុខរបរ និង ការងារ (NEA) នៃក្រសួងការងារ និង បណ្តុះបណ្តាលវិជ្ជាជីវៈ សហការជាមួយសហភាពសហព័ន្ធយុវជនកម្ពុជា វិស័យការងារ សន្តិសុខសង្គម និង បណ្តុះបណ្តាលវិជ្ជាជីវៈ ដើម្បីផ្តល់ភាពងាយស្រួលដល់យុវជន សិស្ស/និស្សិត ក្នុងការដាក់ពាក្យស្វែងរកការងារ និង សម្ភាសការងារជាមួយតំណាងក្រុមហ៊ុនធំៗនៅមួយកន្លែងភ្លាមៗតែម្តង ហើយមិនទាន់មានបទពិសោធ ក៏អាចដាក់ពាក្យបាន។
សម្រាប់ព័ត៌មានបន្ថែម ប្រិយមិត្តដែលចង់ដាក់ពាក្យអាចទាក់ទងទៅ NEA តាមរយៈលេខ ០១៦ ៧៨ ៦៦ ៥៥ និង តេឡេក្រាម ឬ CoolApp លេខ ០៧៧ ២៣ ២៣ ៧៨ ឬ គេហទំព័រ www.nea.gov.kh និង ទំព័រ Facebook (neakhmer)៕
