ទរហើយ! អ៊ំចាស់ៗមួយក្រុមនៅចិន នាំគ្នាបើកចម្រៀងរាំលេងនៅក្នុងព្រលានយន្តហោះធ្វើដូចនៅផ្ទះខ្លួនឯង

មហាជននៅតាមបណ្តាញសង្គមកំពុងតែមានការហួសចិត្តជាខ្លាំង ទៅលើអ៊ំចាស់ៗមួយក្រុមនៅប្រទេសចិន ដែលបាននាំគ្នាទៅបើកចម្រៀងរាំលេងនៅក្នុងព្រលានយន្តហោះ ធ្វើដូចជានៅក្នុងផ្ទះខ្លួនឯង។

តាមព័ត៌មានបានឱ្យដឹងថា រឿងរ៉ាវមួយនេះបានកើតឡើងនៅប្រទេសព្រលានយន្តហោះ Chongqing ប្រទេសចិន ដោយក្នុងនោះគេឃើញមានមនុស្សស្រីចំណាស់ប្រមាណជា ៨ ទៅ ៩ នាក់ បានមកជួបជុំគ្នា ហើយបានបើកចម្រៀងសំឡេងឮខ្លាំងៗ ព្រមទាំងនាំគ្នារាំលេងយ៉ាងសប្បាយរីករាយនៅនឹងមុខផ្លូវចូលទៅកាន់យន្តហោះ ដែលធ្វើឱ្យមនុស្សម្នាទាំងឡាយមានការភ្ញាក់ផ្អើលជាខ្លាំង ។

យ៉ាងណាមិញ ខាងអាជ្ញាធររក្សាសណ្តាប់ធ្នាប់ប្រចាំព្រលានយន្តហោះ ក៏បានព្យាយាមណែនាំទៅកាន់ស្រ្តីចំណាស់ទាំងនោះឱ្យបញ្ឈប់សកម្មភាពនេះផងដែរ ប៉ុន្តែពួកគាត់បែរជាមិនស្តាប់ ហើយនៅតែច្រៀងរាំហាក់ដូចជាគ្មានអ្វីកើតឡើងដដែល។ ដោយឡែក ខាងព្រលានយន្តហោះក៏បានចេញមុខមកសុំទោសមហាជន ហើយសន្យាថានឹងមិនឱ្យរឿងបែបនេះកើតឡើងនៅពេលក្រោយទៀតនោះទេ៕

សូមចុចទីនេះដើម្បីទស្សនាវីដេអូ៖