Youtuber ល្បី Graham Dingo ជំនាញសិក្សាខាងសត្វពស់ ចុងក្រោយត្រូវពស់ចឹកស្ល-ា./ប់នៅអាយុ ៤៤ ឆ្នាំ

ថ្មីៗនេះ សារព័ត៌មានបរទេសបានរាយការណ៍ពី YouTuber ដ៏ល្បី Graham Dingo Dinkelman ដែលជាអ្នកជំនាញខាងសត្វល្មូនមួយរូប ត្រូវពស់ចឹកស្លាប់នៅក្នុងវ័យ ៤៤ ឆ្នាំ។

តាមភរិយារបស់លោកបានឱ្យដឹងថា លោកត្រូវពស់ចឹកតាំងពីខែកញ្ញា កន្លងទៅ ហើយត្រូវបានបញ្ជូនទៅសង្រ្គោះបន្ទាន់នៅមន្ទីរពេទ្យ ព្រោះតែមានប្រតិកម្មនឹងពិសពស់យ៉ាងធ្ងន់ធ្ងរ ហើយក៏បានសន្លប់បាត់ស្មារតីអស់ជាច្រើនសប្តាហ៍ រហូតដល់មកបាត់បង់ជីវិត កាលពីថ្ងៃទី ២៦ ខែតុលា ឆ្នាំ ២០២៤ កន្លងទៅ។ តាមព័ត៌មានបានឱ្យដឹងថា លោកត្រូវបានពស់ Green Mamba ចឹក ដែលពស់នេះមានកំណើតនៅក្នុងទ្វីបអាហ្វ្រិក ជាពស់ដែលមានពិសកាចសាហាវបង្កគ្រោះថ្នាក់ទៅដល់ប្រព័ន្ធប្រសាទមិនចាញ់ពស់វែកនោះទេ។

គួរឱ្យដឹងដែរថា Dingo ត្រូវបានគេស្គាល់យ៉ាងច្បាស់ក្នុងចំណោមអ្នកស្រឡាញ់សត្វល្មូន ហើយជាតែងតែចែករំលែកបទពិសោធន៍ និង ចំណេះដឹងល្អៗច្រើនទាក់ទងនឹងសត្វល្មូន ជាពិសេសគឺពស់។ លោកមានអ្នកតាមដានជាង ១០០ ០០០ នាក់នៅលើ YouTube ផ្ទាល់ខ្លួន និង មានអ្នកតាមដានជាង 600,000 នៅលើ Instagram ៕