អបអរ! លោក Donald Trump ឈ្នះឆ្នោតអាណត្តិថ្មី ក្លាយជាប្រធានាធិបតីទី ៤៧ របស់អាមេរិក
ក្រោយការប្រកួតប្រជែងយ៉ាងស្វិតស្វាញ ទីបំផុតការបោះឆ្នោតជ្រើសរើសប្រធានាធិបតីថ្មីរបស់សហរដ្ឋអាមេរិកក្នុងអាណត្តិទី ៤៧ នេះ លោក Donald Trump ទទួលបានជោគជ័យក្នុងការបោះឆ្នោតក្លាយជាប្រធានាធិបតីថ្មីរបស់សហរដ្ឋអាមេរិក។
ជាលទ្ធផលផ្លូវការ លោក Donald Trump បានឈ្នះលើការបោះឆ្នោតជ្រើសរើសជាប្រធានាធិបតីអាមេរិកក្នុងអាណត្តិថ្មី ដោយលោកទទួលបានសំឡេងឆ្នោតច្រើនជាងលោកស្រី Kamala Harris។
គួរបញ្ជាក់ផងដែរថា តាមរយៈលទ្ធផលបោះឆ្នោតនេះដែរ លោក Donald Trump ដែលបច្ចុប្បន្នមានអាយុ ៧៨ ឆ្នាំនេះ នឹងក្លាយជាប្រធានាធិបតីទី ៤៧ របស់សហរដ្ឋអាមេរិក ហើយនេះក៏ជាអាណត្តិទី ២ របស់លោកផងដែរក្នុងនាមជាប្រធានាធិបតីអាមេរិកនេះ៕
