ខ្លាំងជាងមហារីកទៀត! ការសិក្សារកឃើញភាពឯកាអាចឆ្លងគ្នា ហើយប៉ះពាល់សុខភាពជាងផឹក និង ជក់បារីទៀត

ភាពឯកាកណ្តោចកណ្តែងអារម្មណ៍ គឺជាធម្មជាតិរបស់មនុស្ស ប៉ុន្តែថ្មីៗនេះមានការសិក្សាមួយរកឃើញថា វាអាចធ្វើឱ្យប៉ះពាល់សុខភាពរបស់មនុស្សជាងការផឹកស្រា និង ជក់បារីទៅទៀត។

ភាពឯកា កើតឡើងពីការខ្វះខាត ការខ្សត់ទំនាក់ទំនងក្នុងសង្គម ក៏ដូចជាមនុស្សជុំវិញខ្លួន ឬ ភាពឯកាក៏អាចកើតឡើងបាននៅពេលដែលមនុស្សមានទំនាក់ទំនងក្នុងសង្គមហើយ តែទំនាក់ទំនងនោះគ្មានគុណភាព និង មិនដូចការរំពឹងទុកក៏ថាបាន។

ភាពឯកា ក៏អាចឆ្លងពីមនុស្សម្នាក់ទៅមនុស្សម្នាក់ទៀតបានផងដែរ ដោយមានការសិក្សារ​បស់ Journal of Personality and Social Psychology បានរកឃើញថា បើមនុស្សមិនឯកា​ទៅនៅជិតនឹងមនុស្សឯកា នោះមនុស្សដែលមិនឯកា នឹងក្លាយទៅជាមនុស្សឯកាដូចគ្នា។

លើសពីនេះទៅទៀត ភាពឯកាគឺមានគ្រោះថ្នាក់ដល់សុខភាពជាងការជក់បារីក្នុងមួយថ្ងៃ ១៥ ដើម ការផឹកស្រា និង​ ការមានជំងឺលើសទម្ងន់ទៅទៀត ព្រោះភាពឯកាបណ្តាលឱ្យកើតការស្រ្តេសតប់ប្រមល់ ងាយនឹងទៅជាជំងឺបាក់ទឹកចិត្ត ដែលនាំឱ្យមនុស្សប្រព្រឹត្តទម្លាប់មិនល្អផ្សេងៗដែលកាន់តែប៉ះពាល់សុខភាព ដូចជាការផឹកស្រាកាន់តែច្រើន ការហូបអាហារមិនល្អ និង មិនបានត្រឹមត្រូវ៕